影片
更多
2016-02-21
1329 浏览
一行人来到，门口好多人等位中，好在大枱唔多人等，一阵就有位，坐大厅！地方光猛干净！大家一齐洗碗，因为碗筷颇油淋淋！因为已到下午茶时段！有特价点心！落单食物好快到！腊味粒炒饭（$58）粒粒分明，腊肠粒好多！材料足！ 鲜竹牛肉球：牛肉滑，马蹄爽脆，枝竹索晒肉汁！正！鲜虾菠菜饺：外皮烟韧，菠菜淋身无怪味，虾爽口！味道清爽！ 顺德鲮鱼球：煎嘅鲮鱼球！唔够炸嘅好味！浓汤浸唐生菜：唐生菜较老！ 黑椒金钱肚：索晒汁唔腥，肚淋身弹牙！蜜汁叉烧肠：肠粉皮唔够滑，比较硬，叉烧瘦，一般！蜜椒鸡中翼：香脆，外层香脆黏口，蜜糖甜腻，但鸡翼唔够肥，所以皮之外就唔够饱满肉汁！ 腐皮素鹅：炸得少许过火，腐皮太干，中央馅料多，蔬菜爽口！云耳有咬口！皮蛋酸姜:溏心皮蛋，好香！外层弹牙，内层起沙滑溜！酸姜爽脆开胃！蟹籽烧卖皇：蟹籽多，猪肉有肉汁，加好香冬菇味！好味！古法马拉榚：圆型好像蛋糕！松软微甜！好味翡翠荀虾饺王：皮烟韧，荀丝及虾爽口！有肉汁！潮式糯米卷：外层面包松软，中央糯米软身烟韧！丰料珍珠鸡：足料，糯米烟韧 养生棉花鸡：棉花鸡先系主角，索晒肉汁，唔会太淋，带啲爽口！ 紫心香芋丸：炸得香脆干身，表面唔油腻，外层似薯
一行人来到，门口好多人等位中，好在大枱唔多人等，一阵就有位，
坐大厅！地方光猛干净！
大家一齐洗碗，因为碗筷颇油淋淋！
因为已到下午茶时段！有特价点心！落单食物好快到！
腊味粒炒饭（$58）粒粒分明，腊肠粒好多！材料足！
鲜竹牛肉球：牛肉滑，马蹄爽脆，枝竹索晒肉汁！正！
鲜虾菠菜饺：外皮烟韧，菠菜淋身无怪味，虾爽口！味道清爽！
顺德鲮鱼球：煎嘅鲮鱼球！唔够炸嘅好味！
浓汤浸唐生菜：唐生菜较老！
黑椒金钱肚：索晒汁唔腥，肚淋身弹牙！
蜜汁叉烧肠：肠粉皮唔够滑，比较硬，叉烧瘦，一般！
蜜椒鸡中翼：香脆，外层香脆黏口，蜜糖甜腻，但鸡翼唔够肥，所以皮之外就唔够饱满肉汁！
腐皮素鹅：炸得少许过火，腐皮太干，中央馅料多，蔬菜爽口！云耳有咬口！
皮蛋酸姜:溏心皮蛋，好香！外层弹牙，内层起沙滑溜！酸姜爽脆开胃！
蟹籽烧卖皇：蟹籽多，猪肉有肉汁，加好香冬菇味！好味！
古法马拉榚：圆型好像蛋糕！松软微甜！好味
翡翠荀虾饺王：皮烟韧，荀丝及虾爽口！有肉汁！
潮式糯米卷：外层面包松软，中央糯米软身烟韧！丰料珍珠鸡：足料，糯米烟韧
养生棉花鸡：棉花鸡先系主角，索晒肉汁，唔会太淋，带啲爽口！
紫心香芋丸：炸得香脆干身，表面唔油腻，外层似薯波，味道咸咸地，中央芋头蓉软滑！热到辣咀！
千层姜汁糕：热辣辣，榚身层次分明！姜味劲浓劲辣！好像食紧烟韧姜糖咁！
香煎芋丝饼：芋饼煎得香脆，中央芋丝粗条有咬口，芋头味道香浓
清香养颜红枣糕：热辣辣，榚身烟韧，好似蒸年榚，红枣味唔突出！
黑糖蜂巢糕：热辣辣，榚身充满水份，咬落烟韧，黑糖甜而不腻
紫薯荔枝球：以为系包荔枝，食落先知系造型系荔枝！紫薯皮烟韧，中央包莲蓉，几滑唔太甜！
流心奶皇包：包身够热松软，奶皇香，唔会过甜！食物唔错，可惜服务中伏！店员态度其实唔差！但服务唔够细心，一到埗，唔会攞洗碗大碗比我哋，大碗及公筷都系自己取！
因为我哋揸咗4架车，商场消费满$200有泊车优惠，问店员可唔可以全部有泊车优惠，佢话可以，印咗4张单比我哋，仲提我哋要在商场另一间商店消费！等我哋买咗4张单，去到商场柜台，职员又话唔得，一张收据连信用卡收据只可一架车享用泊车优惠！结果因为走来走去又买嘢又揾吸票柜台，另外3架车仲超多一个钟！中晒计，如果店员熟悉商场优惠或答唔知，我哋出去问清楚咪唔使浪费时间兼金钱！用多几十蚊停车场钱！
张贴
