皇茶 (已結業)

当日嗌咗杯雪花啤啤同玄米茶唔知店员系咪新手，成件事真系令人好失望我已经系第一个排紧队，但佢冲左5-10分钟先有第一杯(雪花啤啤)，当时我仲望住佢笃d奶盖落去，令到半杯已经系融合咗奶盖嘅沙冰。认真，想知系特色定系点，点解要帮客笃定先… 唉，都算，但佢杯野就咁放咗喺到，又帮人落单又冲第二d人嘅野饮，完全无视咗杯沙冰🤨隔咗几分钟，佢无啦啦拎呢杯出嚟比我叫我饮住先，玄米茶未得。问题系我得一个人等紧2杯野饮，明显有杯系买比第二个🧐而咁啱，呢杯沙冰唔系我嘅，咁我点饮住先…仲要杯野嚟到我手上都已经溶紧…等多5分钟，玄米茶先得。我叫常温，但杯野系暖嘅。我嗌7分甜，杯野系完全唔甜。我落order之前已经系问清楚甜唔甜，因为我想饮甜嘅。佢话可以拣甜度，我先嗌7分甜。但我见佢沟𠮶阵冇落过糖水我就心知不妙，我真系思疑佢唔记得咗落糖水🤔杯野真系难饮到傻再评论返杯雪花啤啤。2杯齐哂之后，我已经冲去拎比朋友。一到佢手，佢已经问冲定咗几耐，溶到咁…饮咗一啖之后佢话系佢饮过最难饮嘅奶盖。唔系呀嘛，$40真系咁差？我饮咗啖，果然系好唔得。一嚟d士多啤梨好酸，二嚟成杯野质感好水讲真你玄米茶要煲，你咪唔好整住杯沙冰先..有乜