Pantry Bread & Pastries (已結業)

食了个普通午餐，就食个精致甜品补偿自己！呢间饼店新开，评论唔多但相片卖相唔错，加上比较近，去到门面好光鲜，门口有两张小圆枱，可以坐在门口食（不过对住车路无景观，坐门口除了方便食烟嘅人，好像无乜吸引力）西饼放在近门口位置，款式好精致，另外一边系放曲奇！好多唔同嘅款式！女店员见我选择困难症发作，过来解救我，佢有条理问我：钟意食边类蛋糕？朱古力钟意牛奶定黑朱古力⋯⋯最后帮我拣咗Chocolate Dome, 本来我买一件，佢又提议我买多件，因为一件只用袋，两件可以有盒（呢个比较唔friendly,当然可以堂食最好)幸好同事都食，就拣多件「柠檬芝士饼」，佢用盒包好之后，向我展示后再加个纸袋，再提醒我西饼用胶纸固定，攞起时小心（好细心 ），胶叉有胶袋，卫生啲！Chocolate Dome:半圆形小山，洒满朱古力粉，中间两层松软朱古力蛋糕，夹住一层特浓朱古力慕丝，虽然全部都系朱古力味，口感好丰富！柠檬芝士饼：本来在橱柜时，无上面嘅柠檬干，卖相靓但味道酸涩，应该只系装饰，薄薄柠檬皮包住芝士慕丝，好滑，芝士味唔浓，唔会腻，上面士多啤梨表面已干，好酸！一般！虽然价钱都几贵，一分钱一分货，下次一定试下堂