影片
更多
2009-12-28
8 浏览
圣诞节嚟到，大舅建议一家人喺Boxing Day到佢居企食吓嘢 Gathering 一吓，但系唔知点解作客嘅我同太太要负责食物! 真系奇怪! 圣诞节咁梗系要食D西人嘅食物啦，太太就提议芝脆鸡。精打细算嘅太太发现原来外卖速递比自取平$40! $40㖞而且又无速递等咁耐，咁咪自取啰! 点知都系出事!!订咗7:15PM攞，因为我间唔中都会叫Pizza，都知一定会迟，咁咪7:25先去攞啰，去到重未得㖞! 咁俾咗钱先，呢D日子会特别Busy，个妹妹又话已经包紧俾我，等多一阵无所谓啦。我就企定定正正系个收银旁边等，等咗5分钟，不段有好多好多大包细包嘅外卖由厨房拎出嚟，重放到成个柜枱满晒! 其中有大包嘅分量同我叫嘅嘢差唔多，问吓个收银妹妹等未呀? 望都无望推外卖就话包紧等多阵，好再等5分钟。柜枱有3个妹妹，一个收银，一个疑似高级D嘅听外卖电话，一个喺佢两个后面游魂同倾电话，等多5分钟唔对路㖞，申个头望吓厨房包紧D咩，个疑似高级嘅妹妹用好串嘅语气问︰「先生有咩帮到你?」，我当然又问返同一个问题，但佢嘅回覆竟然同收银妹妹一样，望都无望推外卖就话包紧等多阵!! OK! 再等10分钟! 忍无可忍下问后面一直
圣诞节嚟到，大舅建议一家人喺Boxing Day到佢居企食吓嘢 Gathering 一吓，但系唔知点解作客嘅我同太太要负责食物! 真系奇怪!
圣诞节咁梗系要食D西人嘅食物啦，太太就提议芝脆鸡。精打细算嘅太太发现原来外卖速递比自取平$40! $40㖞而且又无速递等咁耐，咁咪自取啰! 点知都系出事!!
订咗7:15PM攞，因为我间唔中都会叫Pizza，都知一定会迟，咁咪7:25先去攞啰，去到重未得㖞! 咁俾咗钱先，呢D日子会特别Busy，个妹妹又话已经包紧俾我，等多一阵无所谓啦。我就企定定正正系个收银旁边等，等咗5分钟，不段有好多好多大包细包嘅外卖由厨房拎出嚟，重放到成个柜枱满晒! 其中有大包嘅分量同我叫嘅嘢差唔多，问吓个收银妹妹等未呀? 望都无望推外卖就话包紧等多阵，好再等5分钟。柜枱有3个妹妹，一个收银，一个疑似高级D嘅听外卖电话，一个喺佢两个后面游魂同倾电话，等多5分钟唔对路㖞，申个头望吓厨房包紧D咩，个疑似高级嘅妹妹用好串嘅语气问︰「先生有咩帮到你?」，我当然又问返同一个问题，但佢嘅回覆竟然同收银妹妹一样，望都无望推外卖就话包紧等多阵!! OK! 再等10分钟! 忍无可忍下问后面一直发梦嘅妹妹，俾张收据佢同佢讲我等咗25分钟，点解要咁耐嘅? 佢竟然回答呢张唔系单嚟嫁㖞，咁我又同佢讲我叫咗D咩，佢先识去揾，揾咗一阵先走过来问我落订电话几多号，终于攞到我嘅外卖，就系喺正我面前𠮶推大包细包嘅其中一包，而且放咗系度足足20分钟。唔知系放得耐，定系系我等到一肚火饱咗，连平时帮衬开嘅Pizza都觉得无好食!
环游世界Pizza – 平时都有食呢度嘅Pizza，觉得比Pizza乞好食，呢次可能失手啦!
炸鸡 – 外层炸到超热气，有D过火，内层鸡肉重有肉汁嘅，算系唔差啦。
百里香焗猪肋骨 – 超难食，D肉用落咗松肉粉，重有好多味精味!
小食拼盘 - 难食，可能因为放得太耐，春卷、咖哩角淋晒!
波菜龙利柳焗饭 - 咸! 龙利柳似咸鱼!
净系得Pizza好食 同 炸鸡合格，其他不试为妙!
张贴