1011 TEABAR (已結業)

今个月家人终于喺VTC毕业，我打算同佢系利东街揾个靓景/餐厅著住毕业袍影一辑相留念。我本身有关注开Stephy，知道今期1011 TEABAR限定系蜡笔小新，而家人又系个小新迷，就好顺理成章地我介绍佢去一齐饮一杯。一入店，店窗口两枱可以打卡嘅位都有客人使用中，咁我同家人就先叫饮品再拣其他位坐低。到有得拎饮品嘅时候，窗口其中一枱客人用餐结束，我就叫家人拎住饮品影张相。影第一张相时，家人的脸色突然吾太好，影左几张都毫无笑意，跟住的用餐时候都非常沉静。事后我再问啱先发生咩事，家人先讲原来刚先影第一张相个阵，身后的店员用吾好的语气讲：“IVE毕业好馨香咩？”。（影相当时我系店外，所以听吾到店内嘅声音。）听完后我觉得莫名奇妙，同时又对家人感到抱歉。明明系值得高兴嘅事，但宜家竟然因为我的原因，令佢要被人不必要嘅闲话。我同家人系夜晚7点入坐，吾知系咪因为店系收8点，所以店员有说话俾我地听，要我地快啲走。Sorry for 1999，系我太小心眼。如果系著重服务质素嘅有其他更好选择。店嘅食物质量完全无问题，打卡位都好足够，只系店员令人好却步。