8Five2 Restobar

营业中

休息中

店员服务态度唔系几好，一开始OpenRice book位写有优惠，但入座都冇讲话个优惠要点用。我哋四个人嗌咗四个主菜，包括：猪肉酥饼，鱼嘅Taco, 猪仔骨同西班牙饭。猪肉酥饼味道OK, 系正常墨西哥口味。鱼Taco和猪仔骨亦正常。但个西班炒饭就完全唔掂，又唔系risotto 又唔系西班牙海鲜饭。我哋用餐期间店员不断催促我哋嗌嘢饮，但系我哋当时未想饮，所以冇嗌住，但佢都吹咗几次，而且态度唔系几好。我哋都冇深究点解我哋一定要嗌嘢饮，但见佢讲咗咁多次，我哋就一人嗌咗一杯。然后饮紧嘢嘅时候，店员又再俾个Menu我哋，话我哋要嗌够四个main course先有优惠，摆低本Menu就走咗。跟住我哋同另一个店员确定我哋已经嗌咗四个main course(每人一个），所以已经有优惠。唔明点解会再俾Menu我哋叫我哋嗌多样嘢食。