八居酒屋 (旺角新城)

营业中

休息中

本身经网上预订食晚餐，入店前有改预约时间去拎个openrice优惠（单品82折），睇下有冇机会用到，但感觉店员全程极不友善且态度差劣。本身店铺要求要每人单点一杯正价野饮先有优惠，呢样野系店铺规则冇问题既。但当问店员拎茶时，店员很不客气咁讲「你地要叫正价野饮先有折扣架㖞」。入店沟通时店员已经讲左唔至一次呢样野，都已同店员讲过几次系知道既，唔系好明点解要再三提示。而最后我地系冇选择去拎呢个优惠既，因为食物质素欠佳，唔会想再点多d野。叫左个寿司盛（8贯178），出黎寿司系暖既，三文鱼唔新鲜，呢个价钱去任何一间大型连锁寿司店都唔止呢个份量同质素。到埋单时店员收钱，由同佢讲签卡到签完卡为止，系冇一声多谢，咩都冇讲就走左去。从来冇见到有日式居酒屋咁冇礼貌，差过楼下茶记。绝对冇下次，极度不推荐。