裕發小廚

营业中

休息中

夜晚六点四十五分，满心欢喜去食饭，点知遇著垃圾服务店员，当你啲客系垃圾！挂住做火锅，其他客好似要同佢乞咁。只系问有冇打冷，一句冇，乜你唔知咩？就走咗去。六点五十分，再落小菜，叫咗炸墨鱼饼和椒盐鲜鱿。突然，六点五十五分，个厨房叫出来话，其中一样冇，跟住就冇人跟。直到你问佢，先知卖哂冇货卖。到你改order，价钱唔同，又唔同你改，要你出声先改。食物来讲，油腻，味超咸，椒盐鲜鱿炸出来甩皮甩骨，炸粉上唔到鱿鱼，椒盐系洒少少起角落，并唔系起镬度跟鱿鱼一齐炒。第二样金沙虾球，出品正常，味道偏咸。地方污糟，地下好跣，如果带老人家去，一定要扶实佢。各位，如果想贴钱买难受，认住紫色衫扎马尾，又收钱又落order又传菜嘅阿姐。超寸！佢根本唔想你帮衬佢，见你得两个人，唔系打边炉，帮衬少，唔欢迎你。