影片
更多
2018-11-21
13128 浏览
由于另一半一直系地狱厨神Gordon Ramsay既Fans，佢会睇佢啲节目，本来早几个月之前，大约5月已经一早打算订「Bread Street Kitchen」(我预2星期前打去订位)食佢想试好耐既Beef Wellington同佢庆祝生日，点知「Bread Street Kitchen」居然系10月既时候结业，真系好无奈！全部心机白费哂，之后先知原来会开另一间「Maze Grill」，景色仲好吸引，对住超大既维港景色，但又点知呢一间餐厅因为新开，订座情况十分之厉害，打电话永远冇人听，后尾先知道原来系网上订立，但系你早一个月前Book都Book唔到，我果时好担心，因为真系好想带佢黎食，特别系佢生日，于是就搏下直接walk in订位，本身都冇乜期望，因为觉得呢啲餐厅应该都系要跟足规矩做野，点知，同另一半早左2星期黎一齐问下仲有冇得Book，居然有！！！虽然好冇惊喜地系另一半面前book位，仲要系佢面前要求写生日快乐系甜品碟上面，但系佢生日正日订到位真系好开心！餐厅环境位于海港城既4楼，位置比较隐蔽少少，但有大大个Gordon Ramsay迎接你餐厅灯光昏暗，同一般西餐厅一样以灯光制造气
餐厅环境
位于海港城既4楼，位置比较隐蔽少少，但有大大个Gordon Ramsay迎接你
餐厅灯光昏暗，同一般西餐厅一样以灯光制造气氛。
景色真系冇得输！对住个十分大既维港景色，好靓好浪漫。
本身要求左住Window Seat，店员比左个唔系Window Seat既位我，于是我就问：「唔好意思，之前要求左想坐Window Seat。」点知店员回应：「我地全部都系Window Seat黎架㖞！」我当下觉得好无奈，点会咁样回应客人，之后见到有一张Window Seat空左，我要求住果张，店员：「咁你出去等等先啦！」噢，已经令我同另一半对呢间餐厅留下坏印象。
餐牌
系呢啲餐厅食一家系贵精不贵多，选择唔算太多，不过我地都系为左Beef Wellington而黎，所以好快拣好。帮我地落单既外国店员目无表情，好似好唔耐烦咁，点解，店员都系咁……?
之后，又发生左另一问题，由于系另一半生日，对住咁靓既海景，再加上会食Beef Wellington，就叫左半枝红酒饮，今次系另一个外国店员招呼，佢斟酒既时候，居然斟到洒哂出黎，之后就好轻佻咁话「Oh, Sorry.」，呢间餐厅因为系出左名串嘴既地狱厨神Gordon Ramsay开，唔通特登要店员咁差对客人衬返Gordon Ramsay？咪玩啦！
餐包
用左一旧好似木头造型既盛起牛油，牛油软滑，但今晚未食正餐已经有第4个问题，店员问仲要唔要多份餐包，我地答左：「要。」点知系冇黎到，但张单有入我地要左2份面包。噢，已经完全令我同另一半对呢间餐厅留下坏印象。
Sliced Snapper $118
配上Pork crackling(炸猪皮条),Coriander, Ponzu。叫呢一碟前菜系因为另一半睇网上报导话香港有限定菜式，但佢又唔记得左系边样，于是问店员，店员就话系呢款，所以叫左呢个(食完返去揾先知应该Traditional Ploughman’s Pork Pie先系……唔知店员系咪求其敷衍)。每块切得厚身，新鲜，但比较清淡，配上少许酱油确系调出其鲜味。
Beef Wellington $888
Beef Wellington
$888
117 浏览
0 赞好
0 留言
Beef Wellington
$888
147 浏览
0 赞好
0 留言
Beef Wellington
$888
137 浏览
0 赞好
0 留言
我同另一半黎呢到就系为左食佢，冇得预先Order，有时会卖哂就冇，好彩今晚仲有。要等大约45分钟，除左主角Beef Wellington，仲会配上Mash Potato同埋Peppercorn Sauce。真系十分期待，之前系其他餐厅食过一次真系好一般，黎Gordon Ramsay既餐厅，食佢既拿手菜式真系令我有好大期望，虽然唔系佢煮既，但做得佢餐厅既厨师们实力理应都系不容忽视，但系……果然令我好失望。用既系Filet牛排，牛排会先腌至煎，然后抹上芥末酱，之后最外层系酥皮，入面有Ham、磨茹碎裹住Filet牛排，这道菜最考功夫一定系用酥皮包住咁大件牛排，同埋掌握好烘烤时间。上枱见到好靓仔，每块大小一样，色泽粉嫰，但系，又系切开就成件散哂，磨茹sauce发挥唔到将酥皮同牛排黏住既作用(我其实都唔太肯定一切散开系正常定系唔正常)，由于散得太开，要自己先放酥皮入口，再放牛排入口先食到完整既Beef Wellington，酥皮尚算够脆身，但唔够牛油香，只有脆度少了香口，磨茹sauce同牛排其实都系美味，磨茹sauce好惹味而且食完既味道久久留在齿颊之间，而牛排熟成度刚好，带肉汁，但有啲似各有各既美味，食唔到完整Beef Wellington既口感同层次，加上卖$888，仲要系Gordon Ramsay餐厅下既名菜，我本身谂住食完我会「哗」一声然后好惊讶，但呢碟完全冇令我咁做。
Slow cooked apple served for 2 $158
Slow cooked apple served for 2
$158
91 浏览
0 赞好
0 留言
Slow cooked apple served for 2
$158
60 浏览
0 赞好
0 留言
Slow cooked apple served for 2
$158
70 浏览
0 赞好
0 留言
其实因为我Remark左要写字系甜品碟上面所以先点一个甜品，点知原来餐厅有提供另外一份小型for生日既甜品。拣左呢款系Baked apple pie，食完哂先叫都唔算等好耐，大约15分钟左右，份量真系好大，而且入面既苹果都系大大一件，唔系切到细细粒果种，外层脆口而且带好重牛油香，内里苹果够多，配上雪榚又唔会太甜，估唔到全晚最好食既系呢碟甜品……
Birthday treat $0
Birthday treat
83 浏览
0 赞好
0 留言
呢个就有惊喜到，因为睇单先知原来不收费，写上左生日讯息再有一小件朱古力蛋糕加蜡烛，呢个服务系高级餐厅唔收费真系估唔到。
埋单$1500左右
点解会比差评，原因好简易，餐厅职员态度真系十分之差，比咁既价钱得到咁既对待，再加上食物比期望中差好多，系咪打住Gordon Ramsay既名义就可以咁样呢？要唔要黎帮衬，大家自己谂下。
张贴
