峰手撕雞 (鴻運中心)

营业中

休息中

今日第一次帮衬，冇睇之前食评，原来好多人都话店员服务差。今日终于体验，店员服务真心差，食物质素中下，价钱冇弹性，性价比低不会再帮衬。睇餐牌有唔明，问店员系唔多睬你，饭好似$35但得一个𩠌，所以拣咗净𩠌，总之都系一句$48，$48咁讲，问多句都费事理，争在未讲你自己睇，其实$48可以拣三个𩠌，但牛𦟌同墨鱼就要另外加多$10即系$58蚊。所以我拣咗猪肠，牛肚同熏蹄，牛肚都几好食，猪肠正常，熏蹄就唔好食，肉质硬又冇味，分量都唔算少，但一个人食太多，两个人食就差不多，一个人食唔晒要留就冇谓，所以一个人就最好唔好买净𩠌！呢个价钱食物一般般，有第二啲选择唔会再帮衬，而且服务系好重要，店员态度令人不想再帮衬，冇下次。