A8's Cafe (已結業)

晚餐订咗枱，四个人去食饭，咁我同另一个朋友准时去到坐住先，叫咗个沙律食住等。落单时已经有啲奇怪，店员小姐一开始已经黑面，我举手时佢系无打算过行埋黎，只系企喺个counter度抬高头望住我等我讲要咩，而我系坐喺成间餐厅距离counter最远𠮶张枱。沙律到，刀叉等餐具喺柜桶有，但无碟，叫佢佢先黑口黑面去攞，攞杯水又系咁，我都唔知我做错啲咩。有一两次送餐黎时大大力掉落枱，啲服务衰过一般茶记，连table都系我自己set. 之后，饮完杯水谂住叫加水，佢话每人只有一杯免费嘅水！佢见枱面有三杯，咁佢就拎多一杯黎。唔紧要，一杯就一杯。正要饮时霎眼见到杯中有个影，再望一望，哗！杯水系污糟嘅！我再举手，佢又系企喺counter度爱理不理咁望住我，我忍唔住大声讲：「杯水污糟呀！」成间餐厅啲人望住佢，佢死死地气埋黎收走，一句唔好意思都无，拎返入厨房仲听到佢发脾气掉杯，然后从无打算拎过第杯水畀我哋。最后讲返啲嘢食，个海鲜risotto只系普通捞咗白汁嘅饭、焗龙脷柳饭同猪手系ok嘅。