影片
更多
2022-11-16
20 浏览
呢间暂时系我觉得最有heart嘅café ‼️💝绝对冇收咗钱帮佢卖广告！但我一定要赞下两个咖啡师嘅态度‼️ 👏事情系咁嘅：当日我谂住俾个惊喜个老友，因为佢生日周。我就问两位咖啡师，如果叫碟甜品，请佢哋帮忙写生日快乐，有冇呢个服务架 😆 佢哋两位男士初头就犹豫咗一阵。讲清楚先，佢哋唔系唔愿做，而系睇到佢哋好认真解决个问题！😳.... 偷听到其中有个话自己写字唔靓，另一个话不如佢出去买生日牌稳阵 🤔我见佢哋冇咩把握，就同佢讲唔紧要嘅，由佢啦，问下咋嘛。因为我纯粹即兴姐，唔得嘅话我都有其他方案 😀 问题不大👌点知落单之后，个咖啡师喺我朋友饮果杯咖啡度，拉咗个生日蛋糕拉花出嚟 🎂仲写埋HBD！😲 朋友同我好 surprised 呀！🤩唔知老友咩感觉啦，虽然生日嘅唔系我，但都有dd感动 😃因为觉得呢d服务，现实d讲.... 唔一定俾你，一般食肆点都要收钱先，但佢哋唔系计呢d，但都尽力制造心意！所以喺呢度真系要讲一声，多谢两位咖啡师 🙏😊⭐一定会再嚟帮衬支持！🔥🍵 Matcha Latte咖啡师拉咗只肥海马拉花 🤣要减减肥先得喇 😂😂😂唔紧要啦，唔系平时嘅心心图案，都好开心架喇 😬(因为我之前去亲ca
绝对冇收咗钱帮佢卖广告！
但我一定要赞下两个咖啡师嘅态度‼️ 👏
事情系咁嘅：
当日我谂住俾个惊喜个老友，因为佢生日周。
我就问两位咖啡师，如果叫碟甜品，请佢哋帮忙写生日快乐，有冇呢个服务架 😆 佢哋两位男士初头就犹豫咗一阵。讲清楚先，佢哋唔系唔愿做，而系睇到佢哋好认真解决个问题！😳
.... 偷听到其中有个话自己写字唔靓，另一个话不如佢出去买生日牌稳阵 🤔
我见佢哋冇咩把握，就同佢讲唔紧要嘅，由佢啦，问下咋嘛。因为我纯粹即兴姐，唔得嘅话我都有其他方案 😀 问题不大👌
点知落单之后，个咖啡师喺我朋友饮果杯咖啡度，拉咗个生日蛋糕拉花出嚟 🎂仲写埋HBD！😲 朋友同我好 surprised 呀！🤩
唔知老友咩感觉啦，虽然生日嘅唔系我，但都有dd感动 😃
因为觉得呢d服务，现实d讲.... 唔一定俾你，一般食肆点都要收钱先，但佢哋唔系计呢d，但都尽力制造心意！
所以喺呢度真系要讲一声，多谢两位咖啡师 🙏😊⭐
一定会再嚟帮衬支持！🔥
🍵 Matcha Latte
咖啡师拉咗只肥海马拉花 🤣
要减减肥先得喇 😂😂😂
唔紧要啦，唔系平时嘅心心图案，都好开心架喇 😬
(因为我之前去亲cafe都系拉🤎图案俾我..... 😅)
抹茶味够回甘浓香，唔会落太多奶，亦够顺滑 👍
☕ Cappuccino
呢杯系生日蛋糕拉花！🎂🥳
睇下图9嘅咖啡师啦 😄👍
诚意已经攞爆分 👏
咖啡味道够浓郁，啡豆应该系偏fruity 🙃
老友话唔错，因为佢本身钟意啡味重d嘅 😄
🍝 梦王。卡邦尼
唔怪之得呢个系佢嘅皇牌！
真系好好食！😍
用高质蛋梦王，睇蛋黄色泽真系好靓啊😍
蛋味都相对浓d 😙
呢度唔系俾烟肉片碎嘅，系用烟腩肉粒！唔系碎上，系大大粒，俾料大方😋👍
因为用烟腩肉粒，食意粉味道都相对浓d
梦王蛋黄＋烟腩肉粒＋多芝士粉＋卡邦尼汁＝满厚的邪恶感‼️😈🔥
🍮 昭和布丁
呢个就有dd失望，蛋味唔突出，而布丁硬身咗少少。
不过焦糖浆唔会太甜都ok 👌
🍨 士多啤梨乳酪牛角包窝夫配雪糕
我一见到呢碟笑咗 😂 点解呢？
因为咖啡师施展佢嘅"功夫" 咁样，将其中一粒士多啤梨挑成朵🌹 👏👏👏
我笑系佩服佢，拉完个生日蛋糕拉花，仲整多样心思，如果呀仔都识咁整俾我就好 😂😆 (谂太多... 🤣)
Croffle 系劲大旧 😆 差d食唔哂....
又🍓又有乳酪又雪糕又拌住，酸酸甜甜好开胃！😍😚
整体嚟讲，今次嚟呢度，最深刻真系唔系食嘢，而系呢间店舖嘅诚意！感恩。真心要俾 💯 👏👏💪👍
张贴
