影片
更多
2019-07-10
6901 浏览
早前同朋友倾计，系附近返工嘅佢讲起荔枝角新开咗呢间意大利餐厅，仲大赞几唔错。咁岩我要帮人庆生，烦恼紧去边到庆祝，就谂起pici。后来先知原来pici嘅意粉都几出名，仲有几间分店。帮衬前有望过下食评，知道无得book位，要人齐先入座，好彩当晚唔使等，可以即时入座。-餐包店员会问要咩酱料，唔太确定系咪橄榄油同黑醋，两款酱沟埋都可以。不过自问真系唔太食得惯，所以将餐包蘸过下酱汁试食后就无再试。每块餐包长度同手掌心差唔多，口感有点韧，自己都系钟意外脆内软嘅面包多啲。-秘制肉丸讲起肉丸就会谂起某大型家私店，但我唔算太着迷个间嘅肉丸。而pici嘅肉丸混合咗猪肉同牛肉，即使有大量茄酱包裹住，都唔会掩盖哂肉香。入口比想像中松软，配上磨得细碎嘅巴马臣芝士，淡淡芝香系口腔漫延，唔会太腻。-经典千层面讲起千层面就会谂起加菲猫，小学成日睇，每次见到都会好想食haha。千层面份量比想像中细，焗烤时间可能太耐，边缘位好多都焗㶶咗。可能系碗底太浅关系，食物层次唔多，无乜千层面感觉。不过牛肉酱系几足料，面嘅口感都不错，厚身带少少韧性，建议芝士份量可以再重手啲。-Sicilian Sunrise店员推荐呢杯饮品，我地就
咁岩我要帮人庆生，烦恼紧去边到庆祝，就谂起pici。
后来先知原来pici嘅意粉都几出名，仲有几间分店。
帮衬前有望过下食评，知道无得book位，要人齐先入座，好彩当晚唔使等，可以即时入座。
-餐包
店员会问要咩酱料，唔太确定系咪橄榄油同黑醋，两款酱沟埋都可以。不过自问真系唔太食得惯，所以将餐包蘸过下酱汁试食后就无再试。
每块餐包长度同手掌心差唔多，口感有点韧，自己都系钟意外脆内软嘅面包多啲。
-秘制肉丸
讲起肉丸就会谂起某大型家私店，但我唔算太着迷个间嘅肉丸。
而pici嘅肉丸混合咗猪肉同牛肉，即使有大量茄酱包裹住，都唔会掩盖哂肉香。
入口比想像中松软，配上磨得细碎嘅巴马臣芝士，淡淡芝香系口腔漫延，唔会太腻。
-经典千层面
讲起千层面就会谂起加菲猫，小学成日睇，每次见到都会好想食haha。
千层面份量比想像中细，焗烤时间可能太耐，边缘位好多都焗㶶咗。
可能系碗底太浅关系，食物层次唔多，无乜千层面感觉。
不过牛肉酱系几足料，面嘅口感都不错，厚身带少少韧性，建议芝士份量可以再重手啲。
-Sicilian Sunrise
店员推荐呢杯饮品，我地就好乖咁叫咗。
餐牌写呢杯系由橙汁、云呢拿同石榴汁混合而成，橙黄清新，有夏日气息。
老实讲饮落好似便利店思乐冰味，味道算正常，可惜冰量太多，好快饮完。
经典千层面
$130
58 浏览
0 赞好
0 留言
Sicilian Sunrise
$55
49 浏览
0 赞好
0 留言
餐包
61 浏览
0 赞好
0 留言
经典千层面
$130
58 浏览
0 赞好
0 留言
秘制肉丸
$90
44 浏览
0 赞好
0 留言
秘制肉丸
$90
43 浏览
0 赞好
0 留言
题外话/补充资料：
店员几乎都系外国人，全程用英文交流。
虽然唔太听得明，但态度好好，又会推荐下菜式。
当晚我拎住蛋糕，店员见到好主动问我需唔需要冷藏住先，仲唔使收切饼费。
后来叫店员上蛋糕，点知出动咗一班店员一齐捧住蛋糕唱生日歌，好有心又好好笑。
盛载蛋糕嘅碟写住祝福字句，事前我系无同餐厅讲过会庆生，所以完全唔知会有呢啲安排，劲窝心。
佢地又送咗张即影即有合照比我地，摄咗系生日卡入面，生日卡仲有全体员工签名同一张100蚊coupon，好惊喜。
成个安排真系令庆生活动升华不少haha，服务绝对系满分。
(以上食记乃用户个人意见 , 并不代表OpenRice之观点。)
张贴
