鍋心八鮮蒸鍋

营业中

休息中

呢间餐厅嘅好处就系好似残废餐咁，咩都唔使自己嚟，有专人帮你计时，夹埋上碟俾你食，每一次打开盖都会提你「系时候攞相机出嚟影张相」，食得开心嘅系真系唔使自己郁手，所以好快就食饱咗。 佢啲海鲜不过不失，性价比极高，主要都系买服务，然之后个蒸饭就由自己选择材料，其实去到食蒸饭𠮶刻我已经好饱，因为前面啲海鲜一路食无停。再加上一开始佢个炖汤都真系好足料，我真系饮埋汤食埋啲汤渣。我哋好努力分埋啲饭嚟食嘅时候，原来最后佢仲上埋糖水。呢间餐厅记住一定要book位，佢只有两段时间食，价钱嚟讲分几个价位就视乎你拣蟹定龙虾。其实都真系随你喜欢，有时龙虾都会卖晒，所以我今次都净系得返蟹锅。