京香餃 (已搬遷) 新店位置

午餐食三文治，未到四点已经肚饿。又难得早放工，于是就去京香饺度食d野。入到店内，只有两枱客。店员，包括老板在内，都堆在厨房处努力咁整d贺年食品。连有客入咗去都唔知。我坐咗一阵都无人serve 我。于是唯有行出去落单。要了个羊肉水饺 $30 十只。落单时个阿姐完全无话下午茶有豆浆送。我都系之后听到佢同第二个客讲我先啰！真系过份！都唔系一视同仁嘅！讲番d饺先！羊肉饺皮不是薄皮那种，而系北京水饺厚皮那种。但都唔会厚得过份，刚刚好。羊肉馅配以韮菜，两者皆好燥热。羊膻味不够浓。反而韮菜味仲特出。羊肉饺汤汁丰盈，每粒饺都包著烫口的汤汁。汤汁味鲜，但一样唔膻。十粒大大的饺子，吃完就已经很饱了！