諾亞半熟蛋糕專門店 (已結業)

寻日我个姨甥仔生日，本来谂住放工就去阿哥屋企同佢庆祝，但系点知个个都冇买生日蛋糕，所以我放咗工之后就去咗附近嘅蛋糕店买生日蛋糕。行咗一阵，好多间蛋糕店都已经山左门，行下行下行左去呢间蛋糕店见到一啲好得意嘅蛋糕，所以就停低脚步，慢慢咁拣。而呢间蛋糕店出名嘅系半熟蛋糕，但系可能因为差唔多收舖，只系得返啲盆栽蛋糕，同造型蛋糕，不过因为庆祝生日嘅关系，盆栽蛋糕都系留返下次先至食。最后拣咗小熊提拉米苏，呢度嘅店员服务态度非常之好，因为佢会问你大约需时几耐返到屋企，佢会因应你嘅时间长短放入适量嘅干冰同个蛋糕保温。那那林揸车去佢屋企，姨甥仔睇到个蛋糕佢劲开心。姨甥仔都话个蛋糕好好味，我就觉得个蛋糕好松软同埋蛋糕面啲朱古力粉都好多，所以食嘅时候要小心唔好浊亲。另外佢入边嘅佢Cream都好滑溜。下次再经过呢间蛋糕店，一定要试返个半熟蛋糕先