春嬌越南河

营业中

休息中

愈来愈多人去希云街揾食，并实加路连山道都好多餐厅，而且丰俭由人，谂唔到食咩可以去这条街揾揾灵感。招牌春娇火车头 $68去亲越式餐厅都会试火车头，因为材料够丰富。有齐生牛肉、牛腩、牛丸，牛丸牛味浓又弹牙；牛腩焖至软腍，仲有厚身又有咬口嘅花胶，再饮埋一口清甜汤头，好满足，而且份量都几多㗎！河内麻香手撕鸡 $60店员姐姐力推美食，佢话自己都成日食，果然无令人失望。手撕鸡有麻酱同微辣，越南脆炸虾饼 $48脆脆炸虾饼，虾味十足，最重要系脆卜卜。椰汁冰 $24椰汁味浓郁，口感丰厚。百香果梳打 跟套餐$8味道微酸，够气又够冻嘅梳打，夏天踢走暑气。想特别讲店员好友善，虽然系小店但见你谂唔到食咩，都会主动介绍有咩好食同佢自己平时会食咩，本身坐二人台，即刻会畀多只椅子你放袋。当有其他食客走，佢哋都会立即问要唔要转台坐得舒服啲，呢个真系要大赞，每一件小事都好窝心。