影片
更多
2022-01-20
430 浏览
今日同朋友过嚟食面，本身我个人钟意食沾面，因为我好钟意啲面挂汤嘅感觉。于是我叫咗一个黑蒜油沾面，食物一落枱𠮶下，我满心期待，先饮咗一啖汤，发现个汤好稀，稀过对面碗拉面，而且个汤竟然冇味。我心谂可能系呢间拉面店嘅口味偏淡，所以我就试咗一啖朋友拉面嘅汤，朋友个碗拉面嘅汤系有味嘅。我同店员讲，我呢个黑蒜油沾面，冇蒜味，汤好稀，亦都冇咸味，可唔可以俾我加钱换一碗面。店员回答，黑蒜油沾面系无蒜味嘅，所以食唔到有蒜味系正常。「黑蒜油沾面无蒜味系正常」「黑蒜油沾面无蒜味系正常」「黑蒜油沾面无蒜味系正常」其实我都唔知佢讲嘅嘢系咪真，但系我谂都唔至于碗汤系一啲味都冇挂。😂至于汤底冇味，店员回答，系因为曾经有客人投诉过佢哋嘅汤底太咸，而家就整得冇咁咸，所以个汤就咁淡。我唔明白，有乜理由我朋友个碗嘅汤底系会有咸味，而我个碗系一啲味都冇㗎呢？而且沾面嘅汤底，味道唔系应该要比起拉面嘅汤底要浓少少嘅咩？听完店员嘅解释，我比唔到反应。😂（店员嘅态度系唔差嘅）佢冇回答我，到底可唔可以加钱换面呢一个问题，于是我就问，咁有冇办法加啲乜嘢，去令到个汤底有返啲味呢？店员表示，可以加番啲酱油俾我⋯嗯⋯⋯我毫不犹豫将佢拎到过嚟嘅
本身我个人钟意食沾面，因为我好钟意啲面挂汤嘅感觉。
于是我叫咗一个黑蒜油沾面，
食物一落枱𠮶下，我满心期待，先饮咗一啖汤，发现个汤好稀，稀过对面碗拉面，而且个汤竟然冇味。
我心谂可能系呢间拉面店嘅口味偏淡，所以我就试咗一啖朋友拉面嘅汤，朋友个碗拉面嘅汤系有味嘅。
我同店员讲，我呢个黑蒜油沾面，冇蒜味，汤好稀，亦都冇咸味，可唔可以俾我加钱换一碗面。
店员回答，黑蒜油沾面系无蒜味嘅，所以食唔到有蒜味系正常。
「黑蒜油沾面无蒜味系正常」
「黑蒜油沾面无蒜味系正常」
「黑蒜油沾面无蒜味系正常」
其实我都唔知佢讲嘅嘢系咪真，但系我谂都唔至于碗汤系一啲味都冇挂。😂
至于汤底冇味，店员回答，系因为曾经有客人投诉过佢哋嘅汤底太咸，而家就整得冇咁咸，所以个汤就咁淡。
我唔明白，有乜理由我朋友个碗嘅汤底系会有咸味，而我个碗系一啲味都冇㗎呢？
而且沾面嘅汤底，味道唔系应该要比起拉面嘅汤底要浓少少嘅咩？
听完店员嘅解释，我比唔到反应。😂
（店员嘅态度系唔差嘅）
佢冇回答我，到底可唔可以加钱换面呢一个问题，
于是我就问，咁有冇办法加啲乜嘢，去令到个汤底有返啲味呢？
店员表示，可以加番啲酱油俾我⋯
嗯⋯⋯我毫不犹豫将佢拎到过嚟嘅酱油倒晒落我个汤到，我个汤底终于有味道了。
呢种质素嘅黑蒜油沾面，要$72，抵唔抵食自己谂。
张贴
