影片
更多
2023-10-02
941 浏览
公众假期嘅夜晚去，见到完全冇客都觉得伏伏哋⋯⋯好听就话露营风，但啲櫈全部都有一挞挞渍，个屁股愈坐愈痕⋯⋯环境差都算，店员嘅服务态度差到极点。我哋见佢九个字先上到两样嘢（大啡菇&龙虾沙律），咪去问下仲有几耐。点知个店员就串串共咁讲：「你哋唔介意食生嘢嘅话，我可以而家上菜俾你哋～」好衰唔衰俾我哋听到佢同厨房讲：「我哋外卖优先㗎，尽量做咗外卖先。」事实上，成间舖得我哋一枱客，而且个外卖哥哥都已经等咗十分钟⋯⋯唯一可以赞嘅系，佢串住都俾我哋cancel张单走人⋯⋯如果唔介意屁股痕嘅话，可以去验证下⋯⋯
我哋见佢九个字先上到两样嘢（大啡菇&龙虾沙律），咪去问下仲有几耐。点知个店员就串串共咁讲：「你哋唔介意食生嘢嘅话，我可以而家上菜俾你哋～」
好衰唔衰俾我哋听到佢同厨房讲：「我哋外卖优先㗎，尽量做咗外卖先。」事实上，成间舖得我哋一枱客，而且个外卖哥哥都已经等咗十分钟⋯⋯
唯一可以赞嘅系，佢串住都俾我哋cancel张单走人⋯⋯
如果唔介意屁股痕嘅话，可以去验证下⋯⋯
张贴