天天素食

营业中

休息中

荃湾素食店寥寥可数，想食个斋就要行多2步啦。行完街，搭车返屋企前，就特登去南丰买返个酸斋返去食。去到见到最钟意既酸斋，双眼发哂光，相信同我一样钟意食酸斋既人，会明我当时既感觉。同卖斋丫姨讲要$30酸斋，但可能佢攰啦，态度令我觉得有种唔耐烦既感觉。佢pack好后，就黎手将我最爱既酸斋盒掉向收银丫姨，天呀，盒斋得罪你吗？收银丫姨放左胶袋放上柜顶，我礼貌地讲声唔该哂，拎紧钱之制，银包已在手，系拎紧钱呀！佢话：「30蚊！你未比钱㖞！」我对脚郁都无郁过，难道怕我一个弱质女子会走数吗？今时今日咁既态度，真系好易赶走哂d客，除非食物好食啦，唔系点留客呀！返到屋企，开餐！我平时食野偏清淡，不过讲真，d斋淡而无味，无酸斋应有既味道。经过买野过程既体验+品尝过d斋之后，得出结论系「伏」「无下次」。