上戶酒場 (已結業)

首先一定要赞吓呢度嘅侍应们，佢哋听到我有咗BB，专登将茶变成热水（孕妇不宜饮太多茶），仲推介我食啲熟食（例如铁板豆腐），见我净系点咗伊比利亚豚肉锅，仲问我会唔会唔够食，可以加乌冬，劲细心！上菜又劲好礼貌，斋系呢两点已经值得我再嚟！前菜：缇鱼酱蔬菜。用新鲜嘅蔬菜，配上香浓嘅缇鱼酱，令人食指大动。缇鱼酱有一种特别嘅风味，咸咸香香咁，同蔬菜嘅清甜味非常夹！作为前菜真系好正！串烧：烟熏秋葵(两串)、烟熏鸡翼(两串)、日本黑豚肉肠(两串)。烟熏秋葵表面带点轻轻焦香，内里则保持爽脆。烟熏鸡翼嘅鸡皮烤至金黄色，肉质香浓多汁，皮脆肉嫩。日本黑豚肉肠肉质劲细滑弹牙，味道清淡不腻！冷盘：矶煮鲍鱼(原只)。鲍鱼肉质厚实弹牙，味道香甜清新！刺身：刺身盛合五款。包括有三文鱼、吞拿鱼、油甘鱼、鲷鱼同埋带子，虽然我有咗唔食得，但老公不断大赞😭话超级劲新鲜劲好食！我斋望都见到每款刺身都劲肥美劲厚切，流晒口水😭熟食：铁板豆腐。估唔到系咁好食！豆腐质感柔滑，个酱汁甜甜哋劲开胃，表面再加入葱粒，更香！面食：伊比利亚豚肉锅加乌冬呢个面食。伊比利亚豚肉有一种香浓嘅肉味，汤底系寿喜烧汤，入面仲加入咗大量娃娃菜、菇类等等，加埋弹牙