金船長餐廳 (已結業)

可能因为我唔系喺依头住啦，依间餐厅都揾左几耐同行左几耐先揾倒！喺餐厅外嘅时候已经有店员喺餐厅外面招呼客人，当然就顺势入左去啦！入面嘅环境好浪漫，因为光线唔多，都几适合情侣去食！点解啲相会空无一人？因为我地去𠮶时未到晚餐嘅时间嘅！我去嘅时间大概系六点半左右！仲有一个小小嘅餐桌装饰，佢系一个伪明火灯，我都钟意依个灯！黎得最快嘅系野饮！抹茶红豆！佢大概系一个抹茶沙冰咁，抹茶味道有啲啖，啱哂啲唔太钟意太浓郁嘅抹茶味嘅人！蜂蜜柠檬红茶！就好似系柠檬茶咁，不过不失！然后就系佢店长最重视同推荐嘅黑松露芝士pizza亦都有三种食法！依个就系我最钟意嘅食法！点埋个汁！prefect有好浓郁嘅黑松露同芝士味，而芝士嘅味又𠮶会抢左个黑松露味！炸软壳蟹！好欣赏佢个酱入面有好多蟹子，将个酱将个口感升级仲食左牛扒！个牛扒都几多肥膏！个芝士薯波好似以前麦x劳嘅芝士薯波！而我重期待嘅就系心太软！佢上面所谓嘅布甸原来就系雪糕！我仲傻到问个店员有冇雪糕！仲有朱古力流出黎！埋单加加埋埋九百蚊左右，如果嗌啲set就会平啲，不过今次黎都想食多啲唔同种类嘅野，下次黎都会食下啲意大利饭同薄饼！