天府人家

营业中

休息中

今年圣诞不一样，同女朋友留喺香港食川菜。我哋下昼两点嚟到餐厅，食客人数唔多，店员安排我哋坐喺窗边一个卡位，位置宽躺，坐得好舒服。我哋叫咗一个假日午市二人套餐，套餐包括麻辣凉粉、蒜泥白肉、酸菜鱼、小笼包同埋炸春卷。基本上所有想食嘅川菜都包括晒。蒜泥白肉好正宗，调味调得相当好，唔会死咸，食完都唔会觉得自己个口成浸蒜味。麻辣凉粉都几辣，唔系好食得辣嘅朋友可以问佢哋可唔可以减少少辣度。食完麻辣凉粉，觉得自己好好彩叫咗酸菜鱼，如果又系叫水煮鱼应该真系食唔落，酸菜鱼入边好多鱼肉，薯粉做底呢啲基本常识啦，调味都好好，唔会太酸，但系辣到又唔系好辣。小笼包皮薄多汁，做得好有水准。炸春卷就普普通通，不过都好香口。整体来讲，系湾仔区用呢个价钱可以食到咁嘅川菜相当之抵，值得一试。