影片
更多
2021-01-31
453 浏览
我同朋友系食2:15-4:15呢个时段，当日大概2:19pm 入座，2:50pm上饮品，15:16上野食，唔知系咪当日比较多人，所以上菜时间耐左呢？🤔餐厅环境方面，大堂金碧辉煌，配埋水晶吊灯，华丽典雅，大堂打卡都够哂靓❤️ 而餐厅嘅装修亦系英式设计，云石餐枱、英伦大梳化，连茶杯茶壶系英伦风，印有玫瑰图案🌹。呢到嘅下午茶摆盘比较特别，系座地三层架，有半个人咁高，而每只碟都有靓靓玫瑰花边，相当适合打卡！可惜现场灯光比较暗，影相都有d难度。虽然打卡未必有其他餐厅咁光猛，但正因为灯光暗暗地先有情调嘛，环境气氛系舒服嘅，枱同枱之间又有足够距离，唔会好嘈，约三五知己黎食个tea，倾下计都唔错呀！至于食物方面，英式下午茶包括：🍱咸点：【朗廷三文治】（龙虾、烟三文鱼）个包有点干，但中间嘅酱系几好食。【海德公园】（蕃茄忌廉、水牛芝士、原种蕃茄）卖相几靓，几中意佢个蕃茄味。【鹅肝酱】（开心果无花果酱甜面包）有果酱甜甜地，中和到鹅肝果重漏漏地嘅感觉，唔错！【芦笋蟹肉挞】（蟹肉沙律及松露）不错不失，都食到有蟹肉，松露味就唔算好突出。🧁甜点：【冬日粉红淑女】（法式泡芙配果仁糖霜及浓郁柚子）本来满心期待，因为佢最靓
餐厅环境方面，大堂金碧辉煌，配埋水晶吊灯，华丽典雅，大堂打卡都够哂靓❤️ 而餐厅嘅装修亦系英式设计，云石餐枱、英伦大梳化，连茶杯茶壶系英伦风，印有玫瑰图案🌹。呢到嘅下午茶摆盘比较特别，系座地三层架，有半个人咁高，而每只碟都有靓靓玫瑰花边，相当适合打卡！
可惜现场灯光比较暗，影相都有d难度。虽然打卡未必有其他餐厅咁光猛，但正因为灯光暗暗地先有情调嘛，环境气氛系舒服嘅，枱同枱之间又有足够距离，唔会好嘈，约三五知己黎食个tea，倾下计都唔错呀！
至于食物方面，英式下午茶包括：
🍱咸点：【朗廷三文治】（龙虾、烟三文鱼）
个包有点干，但中间嘅酱系几好食。
【海德公园】（蕃茄忌廉、水牛芝士、原种蕃茄）
卖相几靓，几中意佢个蕃茄味。
【鹅肝酱】（开心果无花果酱甜面包）
有果酱甜甜地，中和到鹅肝果重漏漏地嘅感觉，唔错！
【芦笋蟹肉挞】（蟹肉沙律及松露）
不错不失，都食到有蟹肉，松露味就唔算好突出。
🧁甜点：【冬日粉红淑女】（法式泡芙配果仁糖霜及浓郁柚子）
本来满心期待，因为佢最靓，上面果层泡芙配柚子，系几好食，有浓郁柚子味，唔会太酸，但下面𠮶层配果仁糖霜嘅泡芙就太甜，我食咗一啖就食唔到落去🤭
【蒙布朗蛋糕】（杏仁朱古力蛋糕配自家制杏脯酱）
浓郁嘅朱古力味，蛋糕都几绵软，唔错。
【红颊珠士多啤梨挞】（静冈县红颊珠士多啤梨、薄荷奶冻、云呢拿挞）
呢个味道最清新，士多啤梨唔会太酸。
【爆脆黑朱古力棒】（黑朱古力配爆炸糖及百香果干）
呢支棒咬几啖就食完，都几中意佢呢只黑朱古力味，虽然最后先食佢，但系食嘅时候都重系好脆。
整体而言，食物系唔错，你知啦！下午茶有d真系只可打卡，食落唔掂架嘛，但呢间都算唔错，员工服务又几好，系等得耐左少少而已。
张贴
