Undici

营业中

休息中

平日晚上，两个人光顾咗呢间好多人都嚟打卡嘅楼上Cafe。估唔到平日既夜晚七点左右都坐满晒人。我地叫咗两个主菜，另外加咗$48连精选甜品，饮品及龙虾汤。🍛招牌名古屋大阪烧鳗鱼意大利饭（ $158 ）：鳗鱼非常之大条，蛋亦煎得够嫩滑，个底系充满蘑菇嘅意大利饭，整体感觉不错。🍝蒜香辣椒蚬肉意大利粉配软壳蟹（ $138 ）：软壳蟹炸得香脆可口，入边仲有蟹膏，但略嫌调味有少少淡。但蚬肉意粉微辣够味，整体尚算不错。🫕樱花浓虾汤：樱花虾十分足料，汤底浓郁及有少少微辣。🍰甜品拣咗榛子摩卡海绵蛋糕蛋糕及朱古力芝士蛋糕：芝士蛋糕口感结实，值得一叫。🍹冻柠茶及冻柠水：不过不失，唔系太甜。埋单两个人连加一大约$440左右。