酒虎詩龍

营业中

休息中

平日已经好爆，walk-in都好困难，记得一定要提早whatsapp订位，仲预留定secret menu。用餐时间2个钟，服务唔错，上菜快手，态度友好，嘢食又好味，大推！*炭烧西班牙黑毛猪叉烧 $298需要whatsapp预算嘅secret menu。叉烧够腍但不失咬口，炭烧味偏弱，酱油味比较突出。叉烧表面有层脆焦糖，特别但未算好夹。最欣赏有黄豆，单食定配搭叉烧都好味。金不换蚬煲 $168都系要预订嘅secret menu。第一碟上菜，店员会沿煲边淋上孖蒸酒，酒精挥发后会留低米酒嘅甜味。蚬肉饱满，带海鲜甜味，完全冇沙，金不换带来泰式风味，汤底好甜带酒香，大推！麻辣西瓜 $38非常有趣嘅组合，西瓜微甜多汁，配搭麻辣汁好大对比，有啲台湾小菜嘅感觉！鸡皮仙贝 $48鸡皮卜卜脆，略油但送酒好正。印式烤鸡，青瓜青苹果沙律 $98烤鸡有四五块，味道真系好似印度餐厅会食到嘅tadoori鸡，香浓微辣带炭烧味，又唔会好干。沙律系青瓜丝、青苹果丝，好清爽好正！香脆烧马友 $68新鲜烧起，鱼皮脆带焦香，鱼肉嫩滑，啖啖都系肉，份量合理。