京滬佳餚 (The LOHAS康城) (已結業)

今晚同男朋友行下康城，顺便食个晚餐。呢间装修别致，服务态度好好，食物质素又唔错。茶要左寿眉，有碟前菜。京沪担担面男朋友激赞，面质爽口，汤底浓稠，闻到麻辣味好香，但食落又唔会太辣，好正。爆汁牛肉煎饼要小心啲食，因为真系一咬就会爆晒啲汁出黎，好劲。松鼠黄鱼好香脆，无油腻感，而且酱汁好开胃，好食。京沪酥烤填鸭(半例)既配料有6款: 蒜蓉、心内美、填鸭酱、京葱、白糖、青瓜。饼皮好薄，绝对有足够既份量。鸭皮已经片走晒啲肥膏，鸭皮香脆，肉质嫩滑。2杯Cocktail：花语同赤曲之情。花语易入口，清甜带花香味。佢连外型都整到好似一朶花甘，好有心机。赤曲之情有多层，首先饮到茶味，继而酒味，最后系热情果味。