亞泰

营业中

休息中

因为朋友搬咗入嚟日出康城，我嚟探佢就第一次入嚟康城站。原来有个大商场，朋友就带我哋食呢间泰国菜。泰式明炉乌头有得拣酸梅肉碎或者青柠味，我哋拣咗青柠味。劲多青柠碎酸酸辣辣好开胃，但都几辣㗎。乌头又几大条wo！冬荫海南鸡汤河估唔到都几大碗，又多鸡，河粉细幼够滑，配冬阴功汤一流。马拉盏炒通菜呢个马拉盏炒通菜味道非常好，有时出边食我觉得会炒得太咸，但系呢度炒得啱啱好，马拉盏同姜蒜又够香。泰式菠萝海鲜炒饭食泰国嘢点少得菠萝炒饭，呢个菠萝炒饭好多肉松，好吸引，仲有大虾+吊桶鱿鱼仔，值得一试。原个椰青呢度椰青$38, 又清甜又大个又多肉，又唔贵㖞！原本以为康城冇咩嘢食，估唔到啲餐厅又坐得几舒服，呢间泰国菜嘅性价比都几高，下次可以再嚟。