京滬佳餚 (The LOHAS康城) (已結業)

朋友新居入伙喺将军澳日出康城,参观完之后就去咗商场见到呢间上海菜,当然就入去试吓啦。餐厅嘅环境宽敞，有室内及户外嘅地方，我最欣赏嘅就系宠物友善餐厅，适合养宠物嘅朋友带宠物一同用膳。打开菜单令我惊喜嘅系食中菜嘅地方，竟然有Cocktail饮。钟意佢图文并茂，让我知道杯嘢饮系咩款，饮落去浓浓的樱花味、朋友唔饮得酒就拣咗一杯叫夏威夷嘅特饮，成杯野都充满水果味喺炎热嘅夏天带嚟清新嘅感觉。估唔到点心类嘅小笼包充满惊喜，$68/6价钱都好正路，但食落去个皮超薄，汤汁热辣辣，真系要攞住只匙羹慢慢享用，极力推介。介绍翻主菜点皮鸭先，欣赏佢用cooking paper隔开每块皮，避免啲皮黐埋一堆，包好之后亦都可以用纸隔住食，增加卫生程度。佢嘅配料都有六款，鸭皮相当脆，鸭肉都唔肥，而且份量十足，价钱都系百零蚊抵赞抵赞。我哋都食咗松鼠黄鱼，佢将条鱼酥脆得来冇乜油腻感，配上酸酸甜甜嘅汁，胃口大增。冇谂过佢嘅鳝糊炒面分量十足，两个大胃王都食到捧住个肚走。