影片
更多
2021-09-22
441 浏览
康城商场新开张都差唔多一年，大部份餐厅我都试过，其实就同出边普通嘅大商场都冇乜分别，都系连锁店多。而呢一间「陈勤记」冇记错就只有上环一间老店，同时佢都系米芝莲推介嘅餐厅。今日我哋一行四人13:30左右嚟到呢度食午餐，唔使等位。我哋分别叫咗两个卤水鹅饭$78x2，菜脯玉兰炒米粉$72同埋西兰花炒牛肉$79；同时都加咗两个西洋菜猪杂汤$8x2。卤水鹅饭啲料都几足，起码佢都俾咗两块鹅片我，鹅肉唔咸，有肉味，好唔错；炒米粉好有镬气，炒得好干身，干身得来啲米粉又有弹性，啲材料就普普通通，肉丝就冇乜味，我都拣晒出嚟冇食，但净系食佢啲米粉都够皮。最推介最推介最推介就系佢嘅汤，我明知道Mcdull饮唔晒我都叫多碗，加$8真系好抵。碗汤好足料，入面有猪肠猪脷西洋菜，全部都系正常味，唔系干争争嘅汤渣，但我今次饮落就比之前咸，但真系好饮。西兰花炒牛肉都炒到几有镬气，当然牛肉都唔系好新鲜，个人认为西兰花炒鲜鱿会好食啲，但以出街食嘅标准黎讲，都属平均以上。真系几奇怪点解依间餐厅成日都唔系咁多人，可能都系因为佢价钱偏贵，系咁而食个碟头饭都70几$80。我会继续翻兜。Mcmug综合评分：7/10，一定要加$8饮佢个
康城商场新开张都差唔多一年，大部份餐厅我都试过，其实就同出边普通嘅大商场都冇乜分别，都系连锁店多。
而呢一间「陈勤记」冇记错就只有上环一间老店，同时佢都系米芝莲推介嘅餐厅。
今日我哋一行四人13:30左右嚟到呢度食午餐，唔使等位。我哋分别叫咗两个卤水鹅饭$78x2，菜脯玉兰炒米粉$72同埋西兰花炒牛肉$79；同时都加咗两个西洋菜猪杂汤$8x2。
卤水鹅饭啲料都几足，起码佢都俾咗两块鹅片我，鹅肉唔咸，有肉味，好唔错；炒米粉好有镬气，炒得好干身，干身得来啲米粉又有弹性，啲材料就普普通通，肉丝就冇乜味，我都拣晒出嚟冇食，但净系食佢啲米粉都够皮。
最推介最推介最推介就系佢嘅汤，我明知道Mcdull饮唔晒我都叫多碗，加$8真系好抵。碗汤好足料，入面有猪肠猪脷西洋菜，全部都系正常味，唔系干争争嘅汤渣，但我今次饮落就比之前咸，但真系好饮。
西兰花炒牛肉都炒到几有镬气，当然牛肉都唔系好新鲜，个人认为西兰花炒鲜鱿会好食啲，但以出街食嘅标准黎讲，都属平均以上。
真系几奇怪点解依间餐厅成日都唔系咁多人，可能都系因为佢价钱偏贵，系咁而食个碟头饭都70几$80。
我会继续翻兜。
Mcmug综合评分：7/10，一定要加$8饮佢个汤，其他嘢水准都几唔错。
张贴
