影片
更多
2023-04-20
47 浏览
好耐无过嚟康怡 AEON STYLE 购物，趁啱啱攞咗消费券，专登过嚟扫货。快活不知时日过，行下行下，原来已经到咗晚饭时间，即刻揾地方医肚。记得超市对面有间西餐厅，之前帮衬过，食物水准唔错，原来店铺早前搬咗上去 3 楼，一于过去回味下。餐厅环境阔落，座位舒适，灯光柔和，令人心情放松。点咗两个 Dinner Set，套餐配有餐包、是日餐汤及咖啡或茶。南瓜忌廉汤，用蓉蓉口感嘅南瓜配以幼滑嘅忌廉，饮完暖笠笠。干邑龙虾汤 (+$28) 龙虾汤啖啖浓香，Creamy 滑溜，又鲜又甜，加上汤内嘅新鲜大虾，鲜味 Double Up﹗和牛芝士汉堡 ($208) 汉堡包连薯条及沙律菜以木托盘呈上，劲大份，睇头十足，卖相一流！汉堡扒真材实料，食到啖啖牛肉，肉质扎实兼有超浓肉香，调味亦啱啱好，半溶芝士更系加分之处，配埋蕃茄、生菜同松软嘅面包，口感超丰富。烧纽西兰羊架配姜味甘笋蓉 ($288) 羊架膻香味浓郁，肉质新鲜嫩滑，入口非常 Juicy，同姜味甘笋蓉好夹。配菜份量十足，有车厘茄、薯仔、甘笋和烧南瓜等，饱肚又健康 ！餐茶点咗两杯特饮，冻水蜜桃梳打 (+$20) 同 冻抹茶鲜奶红豆 (+$28)。梳
记得超市对面有间西餐厅，之前帮衬过，食物水准唔错，原来店铺早前搬咗上去 3 楼，一于过去回味下。
餐厅环境阔落，座位舒适，灯光柔和，令人心情放松。
点咗两个 Dinner Set，套餐配有餐包、是日餐汤及咖啡或茶。
南瓜忌廉汤，用蓉蓉口感嘅南瓜配以幼滑嘅忌廉，饮完暖笠笠。
干邑龙虾汤 (+$28) 龙虾汤啖啖浓香，Creamy 滑溜，又鲜又甜，加上汤内嘅新鲜大虾，鲜味 Double Up﹗
和牛芝士汉堡 ($208) 汉堡包连薯条及沙律菜以木托盘呈上，劲大份，睇头十足，卖相一流！
汉堡扒真材实料，食到啖啖牛肉，肉质扎实兼有超浓肉香，调味亦啱啱好，半溶芝士更系加分之处，配埋蕃茄、生菜同松软嘅面包，口感超丰富。
烧纽西兰羊架配姜味甘笋蓉 ($288) 羊架膻香味浓郁，肉质新鲜嫩滑，入口非常 Juicy，同姜味甘笋蓉好夹。配菜份量十足，有车厘茄、薯仔、甘笋和烧南瓜等，饱肚又健康 ！
餐茶点咗两杯特饮，冻水蜜桃梳打 (+$20) 同 冻抹茶鲜奶红豆 (+$28)。梳打酸酸甜甜，内有粒粒椰果，味道好 fresh，散发著淡淡蜜桃清香。
抹茶鲜奶味浓又无苦涩味，甜度亦啱啱好，红豆大大粒，好正，同抹茶简直系绝配！
张贴
