康瑞涼茶 (已搬遷) 新店位置

呢晚晌康瑞凉茶食糖水，出面好多人等，晌炎热嘅晚上企咗成半个钟先入得。一坐低即叫嘢食。冻特色仙草百配，入面有地瓜圆、芋圆、小丸子、仙草、西米、薏米、红豆、台式珍珠、淡奶同糖水，系豆类同糯米团嘅配搭。地瓜圆同芋圆都系佢哋用人手自家制，地瓜圆烟韧微甜，芋圆嘅芋头味突出。仙草系台湾说法，即系我哋成日食嘅凉粉，因为佢表面非常滑溜，体积切得较大嘅就比较难用匙羹舀起。西米、薏米同红豆煮得腍软得来有嚼劲，加咗淡奶同糖水，甜度适中。食完有凉浸浸嘅感觉，虽然地瓜圆同芋圆唔错，可惜入座安排有啲混乱，同埋佢哋系即叫即煮，所以出得好缓慢。住晌附近或唔介意晌街上面食嘅话建议外卖，堂食要等咁耐就有啲唔值。