囍越 (屯門市廣場) (已結業)

系屯门行完街想食野，行过顶楼就见到呢间新开既越南野，入去试下先！餐厅座位分开左2边，中间比商场行人路隔开左。座位唔算太舒服，加上空间有限，坐落都几迫。当日二人叫左猪排捞檬、柚子沙律、越式牛河、炸春卷。大虾柚子沙律酱汁好香麻油味，大虾肉食落好爽口，唔算太霉，柚子撕到一粒粒，好好食，前菜一流！猪排捞檬上面有啲炸蒜粒，捞汁就自己落既，可以根据自己喜好加多少，汁就偏酸甜，微辣，略嫌唔够辣。 猪排炸得好香脆，啖啖肉。檬粉加埋啲汁食好开胃越式牛河、炸春卷牛河既汤底好清，用牛角熬制，配料有牛肉，牛展，牛肚，配料唔算出色，但算合格，牛肉半生熟，牛展有咬口，惟牛肚无咩味。炸春卷即叫即炸，黎到出哂烟，入口好香脆，春卷入面有杂菜丝，点甜酸酱食好好食。