影片
更多
2008-10-26
18 浏览
收工都成十点，附近开嘅茶记得番呢间，虽然知道佢唔系咁卫生，但大菌食细菌，眼不见为净啦，入面都有啲踩夜单车嘅客，呢区都几流行踩夜单车，而且佢哋仲有自己嘅车队同制服，都几型架！我哋坐低叫咗个经济小菜晚饭套餐 ($73) ，两𩠌一汤，包晒以下嘅： 粟米羹：原本系例汤，老火汤之类，要粟米羹都系加5蚊，所以转咗。粟米羹都够杰身，不过我觉得咸咗啲，饮咗一碗就冇饮嘞，老公话味道 ok，佢饮晒！ 霸王鸡：当然系雪藏鸡，外型都几似模似样，一食就知整得太老嘞，硬晒兼冇乜鸡味！汁好多，好彩唔咸，最好味系啲姜葱。 花胶鸭掌煲：竟然有啲咁嘅菜叫？即叫一个睇吓佢搅乜，花胶当然唔会系好嘢啦，细细只即食𠮶啲，味道整得唔错；鸭掌好明显系来货，个汁就有啲诚意嘞！都算炆得几稔，可以试吓！ 白饭2碗呢间店出晒名污糟，招呼唔得，邨内系人都知，不过咁夜都仲有饭市我就觉得佢都唔系太差啫！而且唔知点解周围好似干净咗㖞！
收工都成十点，附近开嘅茶记得番呢间，虽然知道佢唔系咁卫生，但大菌食细菌，眼不见为净啦，入面都有啲踩夜单车嘅客，呢区都几流行踩夜单车，而且佢哋仲有自己嘅车队同制服，都几型架！我哋坐低叫咗个经济小菜晚饭套餐 ($73) ，两𩠌一汤，包晒以下嘅：
粟米羹：原本系例汤，老火汤之类，要粟米羹都系加5蚊，所以转咗。粟米羹都够杰身，不过我觉得咸咗啲，饮咗一碗就冇饮嘞，老公话味道 ok，佢饮晒！
霸王鸡：当然系雪藏鸡，外型都几似模似样，一食就知整得太老嘞，硬晒兼冇乜鸡味！汁好多，好彩唔咸，最好味系啲姜葱。
花胶鸭掌煲：竟然有啲咁嘅菜叫？即叫一个睇吓佢搅乜，花胶当然唔会系好嘢啦，细细只即食𠮶啲，味道整得唔错；鸭掌好明显系来货，个汁就有啲诚意嘞！都算炆得几稔，可以试吓！
白饭2碗
呢间店出晒名污糟，招呼唔得，邨内系人都知，不过咁夜都仲有饭市我就觉得佢都唔系太差啫！而且唔知点解周围好似干净咗㖞！
张贴
