影片
更多
2007-10-14
298 浏览
阿K好朋友同佢个宝贝仔到香港玩，暂住九龙站上盖。凑住个细路，唔可以行得好远，于是阿K响山林道误打误撞去咗「食神大赛」得奖食肆「太湖」食晚饭。由于要务在身，我差不多成八点半先赶到现场，阿K亦发晒办点菜，包括得奖菜色「芝麻鸡」、「沙姜鸡脚」、「三菇扒腐竹」、「羌葱笼仔蒸海虾」、「瑶柱鲜虾荷叶饭」、「脆腩片」等。首先品评一吓「芝麻鸡」，话晒都系得奖作品，应该都唔会差到边。食入口，咦！冇一种令人心里「放烟花」嘅原素㖞。不过公平咁讲，鸡嘅选择已经唔错，新鲜之余肉质嫩滑，如果唔系话冠以得奖菜色呢个名衔，其实都系不错嘅菜色。反之，「脆腩片」另我喜出望外，食材系牛腩肉，表面一层皮稍为炸至脆卜卜，非常香口，但唔会觉得肥腻。肉质松软，唔会话食完之后摄入牙缝。虽然一台人只有两个人食牛肉，但系呢碟系最快清晒嘅一碟菜。「羌葱笼仔蒸海虾」选料比较一般，虾味冇错系有，不过冇乜海水嘅咸味，还好有羌葱扶助，已经比一般嘅虾出色。似乎我已经食惯咗法国急冻空运到港嘅海虾，味蕾已经被宠坏了。「沙姜鸡脚」我要归纳为小食类，鸡脚本身煮得几入味，肉同埋根腱都很轻易咁一咄就骨肉分离，十分适合懒人如我一样食用，干手净脚。「三菇扒腐竹」系
首先品评一吓「芝麻鸡」，话晒都系得奖作品，应该都唔会差到边。食入口，咦！冇一种令人心里「放烟花」嘅原素㖞。不过公平咁讲，鸡嘅选择已经唔错，新鲜之余肉质嫩滑，如果唔系话冠以得奖菜色呢个名衔，其实都系不错嘅菜色。反之，「脆腩片」另我喜出望外，食材系牛腩肉，表面一层皮稍为炸至脆卜卜，非常香口，但唔会觉得肥腻。肉质松软，唔会话食完之后摄入牙缝。虽然一台人只有两个人食牛肉，但系呢碟系最快清晒嘅一碟菜。「羌葱笼仔蒸海虾」选料比较一般，虾味冇错系有，不过冇乜海水嘅咸味，还好有羌葱扶助，已经比一般嘅虾出色。似乎我已经食惯咗法国急冻空运到港嘅海虾，味蕾已经被宠坏了。
「沙姜鸡脚」我要归纳为小食类，鸡脚本身煮得几入味，肉同埋根腱都很轻易咁一咄就骨肉分离，十分适合懒人如我一样食用，干手净脚。「三菇扒腐竹」系众多肉荤中嘅一股清泉，鲜菇味淡而香，配合腐竹，可中和一吓肉荤嘅肥腻感。最后加上一个荷叶饭，饭本身吸收咗荷叶嘅清香、瑶柱鲜虾嘅甜味，令我十分之满足。
成日有幸食到呢啲美食，无怪乎体重如近日恒生指数般嘅表现。我谂阿K要体谅一吓我，我都系身不由己而已！是次消费平均每人约二百蚊(共四人)，厨师实力胜在四平八稳，虽然惊喜欠奉，但唔会太令人失望。
张贴
