影片
更多
2021-06-14
743 浏览
朋友系重口味宝宝，芫荽同蒜头等都系佢嘅至爱😻，而我不嬲都最就得人，仲专登收集情报揾有乜餐厅啱佢食。今次就嚟到位于炮台山嘅「16 Shell」，皆因上网见到佢个新餐牌完全符合我哋心意。佢系一间西餐厅🍽，我相信冇人会唔同意，但其实又点止咁简单？佢定位非常清晰，主打由美国引入嘅夏威夷X意大利Fusion菜🌺🇮🇹，咁即系乜嚟，等我食住话你知啦。黑炭黑蒜蓉包($80)，蒜蓉包同平日食开嘅完全唔同，除咗颜色与众不同外🖤，味道都好特别。面包好大块，口感软熟，黑蒜味道突出，但都算易入口，中间仲有啲位置湿湿哋，估计系蒜蓉。芫荽酥皮虾比萨批($160/8吋)，本身想嗌啲轻量啲嘅小食，但自从食过一次酥皮Pizza🍕之后，我就爱上咗。比萨批有分6吋同8吋，价钱分别唔大，所以选择咗后者。酥皮做嘅批超邪恶，牛油香满溢，质感松脆。☘️芫荽系第一卖点，佢混合埋芝士毫无违和感，味道清香而不俗，就算唔系芫荽狂热者都会喜欢。作为另一主角嘅虾亦有成六只咁多，新鲜爽弹。夏威夷蒜油虾饭($135)，朋友喺门口就已经留意到呢道菜，因为有个牌写住做紧外卖优惠。老板话一定要试呢个饭，喺夏威夷好出名㗎🌺，香港就应该系佢哋独有。虾饭卖相OK
朋友系重口味宝宝，芫荽同蒜头等都系佢嘅至爱😻，而我不嬲都最就得人，仲专登收集情报揾有乜餐厅啱佢食。今次就嚟到位于炮台山嘅「16 Shell」，皆因上网见到佢个新餐牌完全符合我哋心意。
佢系一间西餐厅🍽，我相信冇人会唔同意，但其实又点止咁简单？佢定位非常清晰，主打由美国引入嘅夏威夷X意大利Fusion菜🌺🇮🇹，咁即系乜嚟，等我食住话你知啦。
黑炭黑蒜蓉包
$80
14 浏览
0 赞好
0 留言
芫荽酥皮虾比萨批
$160
38 浏览
0 赞好
0 留言
芫荽酥皮虾比萨批($160/8吋)，本身想嗌啲轻量啲嘅小食，但自从食过一次酥皮Pizza🍕之后，我就爱上咗。比萨批有分6吋同8吋，价钱分别唔大，所以选择咗后者。酥皮做嘅批超邪恶，牛油香满溢，质感松脆。☘️芫荽系第一卖点，佢混合埋芝士毫无违和感，味道清香而不俗，就算唔系芫荽狂热者都会喜欢。作为另一主角嘅虾亦有成六只咁多，新鲜爽弹。
夏威夷蒜油虾饭
$135
26 浏览
1 赞好
0 留言
夏威夷蒜油虾饭($135)，朋友喺门口就已经留意到呢道菜，因为有个牌写住做紧外卖优惠。老板话一定要试呢个饭，喺夏威夷好出名㗎🌺，香港就应该系佢哋独有。虾饭卖相OK，但斋睇样你系谂唔到会咁好食。🍚每一啖饭都好重牛油蒜香，炒至干身得来唔硬，粒粒分明；而虾经过烧烤，所以特别香🦐。另外，落啲柠檬汁食又有另一番风味。成个饭真系令人滋味无穷。
香煎橄榄油大蒜盐腌咸渔仔配无骨鸡肶意大利面
$150
19 浏览
0 赞好
0 留言
香煎橄榄油大蒜盐腌咸渔仔配无骨鸡肶意大利面($150)，意粉有几蒜唔使多讲。炸蒜富有自家特式👍，佢加入咗咸鱼仔一齐炒，肉眼就唔会见到嘅，不过咸香味就较一般浓郁🧄。香煎橄榄油(Aglio e Olio)意粉要整得出色其实唔易，幸好厨师能够将意粉煮得清爽有嚼劲，每条挂满蒜油，配合埋蒜粒，口感好正🍝。鸡肶亦都相当唔错，外皮超脆，肉就保持嫩滑，兼且无骨啖啖肉🐔。
提拉米苏
$80
11 浏览
0 赞好
0 留言
提拉米苏($80)，喺意大利餐厅食Tiramisu🇮🇹，感觉有信心保证。呢件提拉米苏唔会太甜，酒味同咖啡味平衡得好好☕️，而且有酒味其实系好难得。芝士层唔算特别滑，不过整体质感都够湿。另一边厢，佢比我嘅感觉系比较有蛋糕嘅元素，可能因为饼底系一层薄嘅海绵蛋糕🤔。
Mango Day
$70
9 浏览
0 赞好
0 留言
总括嚟讲，呢间小店劲高质，食物定价唔平，但你喺度系能够品尝到，厨师将每样食材都发挥得淋漓尽致嘅美食😋。食材全部都偏向重口味，不过成品却无缠人嘅感觉。餐厅喺社交平台常言道「好味是良知」，佢绝对做到，推介🌟！
张贴
