道鮨日本料理 (已結業)

每次出街食饭最期待嘅就系食厨师发板，因为厨师会按季节已准备当时最好嘅时令菜式，往往都会有意外惊喜！所以价钱亦都较一般日本菜高。前菜《发莲草 芝麻豆腐 旦酿鱿鱼》四月中正值樱花季节， 所以餐厅都特别设计樱花伴碟，非常别致。弹样鱿鱼呢个概念非常有新鲜感，令软绵嘅蛋中带有鱿鱼嘅烟轫口感。《䲞鱼 帆立贝 虾刺身》帆立贝以紫菜包住，味道鲜甜；虾刺身别具用心，炸过嘅虾头质感香脆，但略带油腻感，虾肉肥美鲜甜。《毛蟹蒸蛋》《鱿鱼 春子鲷 石鲷 左口鱼边》头一轮寿司入面，我最钟意嘅系春子鲷， 顾名思义，春子鲷只有春天先有，系季节限定，质感带黏性，味道清甜。《拖罗 海鳗 赤贝 自家腌制三文鱼子》呢个组合好吸引，拖罗肥美，最特别系店家自家调制既三文鱼子，味道控制得唔错，唔会太咸。《生蚝》生蚝甜美，唔系重金属味，质感比较爽口《海胆吞拿鱼蓉寿司》呢个应该系全晚最啱相机食先既寿司，吞拿鱼蓉上加上大片海胆，显得份外矜贵。《䲞鱼汤》色泽带奶白色，鱼味鲜甜而唔腥