影片
更多
2022-07-13
106 浏览
间餐厅位置好隐蔽！差d以为我fd老点，揾好耐先见到度门。原来系厨师发板嘅串烧餐，坐低之后完全冇Menu俾你参考，只系根据当日餐厅收到嘅食材去整嘢食俾你，考厨师嘅创意同功力。至于你会食到啲咩呢？就冇人知，每道菜好似抽盲盒咁，哈哈1. 小食 鳕鱼干 点调咗味嘅mayonnaise有d辣，鱼干好脆，似薯片咁。2. 虾籽青瓜沙律，青森苹果，牛油果，一串螺肉。麻酱，青瓜好清爽。螺好有咬口，3. 清酒煮日本蛤蜊。劲香清酒味！中间好似食紧蚝咁，外边系有咬口嘅部份4. 九州鸡肉酿冬菇，温泉蛋。用咗走地鸡，加咗少少鸡软骨增加口感。一上枱已经劲香菇味5. 虾胶串烧虾饼，上面有意大利陈年黑醋，虾籽。好弹牙，上面仲有少少日本莞荽调味。6. 串烧白鳗，先蒸后烧，脆身。上枱再加磨咗粉嘅柚子皮。有粒小蕃茄，超鲜甜，有少少激烈嘅酸味，加埋柚皮，超夹劲爽！鱼皮好脆！7. 烧九州去骨走地鸡翼，一只盐烧，一只加咗菊花同芽葱。劲香烧过嘅鸡皮味。山葵渍日本准山，劲爽口，微微wasabi味，带d黏黏嘅口感，好清新爽口。鸡皮烧到脆晒，带少少黑椒8. 烧牛舌，伴烧露笋，醒大葱麻油，有少少辣。露笋好鲜嫩，有烧牛嘅肉汁香。牛舌好爽口，
间餐厅位置好隐蔽！差d以为我fd老点，揾好耐先见到度门。
原来系厨师发板嘅串烧餐，坐低之后完全冇Menu俾你参考，只系根据当日餐厅收到嘅食材去整嘢食俾你，考厨师嘅创意同功力。至于你会食到啲咩呢？就冇人知，每道菜好似抽盲盒咁，哈哈
1. 小食 鳕鱼干 点调咗味嘅mayonnaise有d辣，鱼干好脆，似薯片咁。
2. 虾籽青瓜沙律，青森苹果，牛油果，一串螺肉。麻酱，青瓜好清爽。螺好有咬口，
3. 清酒煮日本蛤蜊。劲香清酒味！中间好似食紧蚝咁，外边系有咬口嘅部份
4. 九州鸡肉酿冬菇，温泉蛋。用咗走地鸡，加咗少少鸡软骨增加口感。一上枱已经劲香菇味
5. 虾胶串烧虾饼，上面有意大利陈年黑醋，虾籽。好弹牙，上面仲有少少日本莞荽调味。
6. 串烧白鳗，先蒸后烧，脆身。上枱再加磨咗粉嘅柚子皮。有粒小蕃茄，超鲜甜，有少少激烈嘅酸味，加埋柚皮，超夹劲爽！鱼皮好脆！
7. 烧九州去骨走地鸡翼，一只盐烧，一只加咗菊花同芽葱。劲香烧过嘅鸡皮味。山葵渍日本准山，劲爽口，微微wasabi味，带d黏黏嘅口感，好清新爽口。鸡皮烧到脆晒，带少少黑椒
8. 烧牛舌，伴烧露笋，醒大葱麻油，有少少辣。露笋好鲜嫩，有烧牛嘅肉汁香。牛舌好爽口，牛肉香好浓，呢个嘅调味不得了！
9. 鹿儿岛猪腩肉卷莴笋串烧，上面加咗长州虾酱，劲香虾酱味！咸香味劲出，超吸引！仲有粒好似荞头咁嘅嘢，渍物。好爽口，入口唔会好咸，提鲜！
10. 美国安格斯牛肋骨肉串烧，上面有紫洋葱，下面配咗蒜蓉牛油烧粟米。牛油粟米超香！点解可以咁香？劲正！牛肋骨肉系一块块肉串住中间咁烧，好似mini kebab咁，令你唔会食得好狼狈，一啖咬一旧出黎。牛肉味道有少少蕃茄，洋葱，蒜味，好日式！肉都好淋。
11. 昆布紫菜白布乌冬，立鱼鱼蛋。粒鱼蛋劲软，仲好鲜甜！布乌冬辣到咀，成大块都好热，唔似平时乌冬，似块厚嘅皮但口感顺滑嘅。
12. 焦糖烧菠萝，北海道3.6牛乳布甸，绿茶蕨饼配十胜红豆酱。布甸劲香奶味，好似饮紧3.6牛奶咁，但味道再加重！菠萝即烧，上枱慢慢食仲出紧烟！表层有烧到焦嘅糖，整走咗黎食，烧完嘅波萝好清甜，唔想影响阵味~ 蕨饼有3旧，好食，个兜好有日本宫殿茶点嘅感觉，好高级
食咗成晚侍应劲勤力，狂帮你加茶！杯茶几时都够热
张贴
