我愛伊斯坦堡 (已搬遷) 新店位置

友人话想转换口味，今次来食土耳其菜，有佢喜欢的咖啡，而且估唔到土耳其菜都有厨师发办，其实系楼上私房菜，由大厨安排最好菜式，岩哂我地咩都唔知，少食土耳其菜既人，我地唔使苦恼点菜选择，交哂俾厨房啦。楼上cafe地方唔算大，座位大约20个左加，最好打电话book位先，仲可以讲定有咩唔食或敏感，方便厨师安排。好有家的感觉，有如到访土耳其友人家，享受热情的东欧风味。还有呢度有猫猫，好可爱好靓好乖，见佢系座位训著立即接近，等佢一醒就摸摸佢。特色银杯具，用来装沙上咖啡。原来呢个就系沙上咖啡，用沙子热力煮咖啡，当日冇睇到，但有东欧咖啡饮。东欧鲜奶玫瑰咖啡，好别致的杯，细腻图案很特别。咖啡很浓稠，味道不算重，加了鲜奶更香滑，玫瑰味很突出，味道很好。东欧玫瑰乳酪，同样玫瑰味浓郁，乳酪质感细滑浓稠，微酸很好饮。先上特色沙律配芝士，店员提我地拌匀食。酸酸地好开胃，有生菜同青瓜丝既爽脆，仲有少少芝士，芝士味也很重。烤鱼块小食，应该即炸，热辣辣上菜。炸衣脆身不腻，鱼肉不腥仲湿润嫩滑，配香料调味的千岛酱，很有土耳其风味。茄子薯仔配自制乳酪，茄子保持紫色，薯仔也不会过腍，两者经炸过更香，配自家调制的乳酪酱，少少酸好清