影片
更多
2023-06-10
102 浏览
呢间餐厅想试咗好耐，因为身边好钟意食日本餐嘅朋友话呢度好好食! 好似以前好耐先book到位，但系今日一打去就有位，所以即刻去试吓！入边大概有两台，加埋我哋系三枱，我哋系最迟𠮶枱到，点知亦都系系最快食完𠮶台!唔知系咪我哋1:30先到，不过间餐厅都话冇问题，但系一入到去师傅对我哋嘅眼神都麻麻地, 可能觉得我哋阻住佢哋！好唔好彩我哋撞正𠮶位师傅，厨师发办得好快加埋会黑面. 我问一句佢先答一句，如果唔系我都以为佢唔识讲嘢. 我哋嗌咗厨师发办九件餐，根本上我未食完𠮶件寿司，佢已经想比第二件我哋食！，速度仲快过DHL! 佢以跑马拉松嘅时间，速度, 差唔多一次过俾晒我哋食，到我哋食完嘅时候，俾我哋一早嚟𠮶两台仲喺度慢慢倾偈, 慢慢品尝佢哋嘅食物，而我哋就要买单了! 我亦都有同经理反映，我话师傅好赶，干到不得了，亦都唔系好同我哋讲嘢，咁睇吓佢哋会唔会反映，不过我都觉得冇乜作用! 我哋嘅唯一选择就系以后唔会再去！ 如果你钟意快靓但唔正嘅香港人，钟意悭时间, 咁一定要试呢间!!
佢已经想比第二件我哋食！，速度仲快过DHL! 佢以跑马拉松嘅时间，速度, 差唔多一次过俾晒我哋食，到我哋食完嘅时候，俾我哋一早嚟𠮶两台仲喺度慢慢倾偈, 慢慢品尝佢哋嘅食物，而我哋就要买单了
! 我亦都有同经理反映，我话师傅好赶，干到不得了，亦都唔系好同我哋讲嘢，咁睇吓佢哋会唔会反映，不过我都觉得冇乜作用! 我哋嘅唯一选择就系以后唔会再去！ 如果你钟意快靓但唔正嘅香港人，钟意悭时间, 咁一定要试呢间!!
张贴