影片
更多
2023-03-18
1651 浏览
🔅八寸料亭🔅天后🔅厨师发办🔅尊贵嘅男友生日，佢指定要食呢间黄店omakase做生日饭庆祝～ 呢个佢多年支持，知道系黄店更加系默默留意多多帮衬～适逢佢有大优惠，我地叫左一个「鱼虾蟹盛合」（$480）同埋一人发办（$980），奢侈而兴奋！厨师发办menu如下，拖罗真系超惊艳，样样都好出色好正：🐟 前菜：𩽾𩾌鱼酱配豆腐好新鲜开胃，creamy鱼酱加豆腐口感，好开胃🐟 小食：平目鱼，配左大葱同沾酒白身鱼好温和，鲜但唔抢味、好淡然，好配合做前菜🦪宫城蚝完全无海水同腥味，唔系creamy，而系有咬口，好滑～配酸甜汁好舒服🐚北寄贝 配青柠🦑 乌贼 配姜丝，好新鲜🐟吞拿鱼三食，超正，超好食！分别为赤身、拖罗加盐同埋拖罗筋炙烧赤身鱼香同肉质好爽口，好重肉味～拖罗未试过咁厚切，好食，再试就算系拖罗寿司都差好远😂系个口不停回甘，唔舍得吞落肚～第三口系拖罗筋好多根，好有咬口，熟食油脂更加香🍲柚子蒸银鳕鱼碗物两层银鳕鱼一齐蒸，加上豆腐系底，好入味，聪明人就会食左第二层鱼同豆腐，真系超入味～柚子味唔出，唔会酸，但同鱼嘅咸香好吊味，豆腐好香🍣 寿司五贯红衫鱼、帆立贝、吉备耐子、松叶蟹寿司：好鲜甜，同埋鱼嘅选择几特别
尊贵嘅男友生日，佢指定要食呢间黄店omakase做生日饭庆祝～ 呢个佢多年支持，知道系黄店更加系默默留意多多帮衬～适逢佢有大优惠，我地叫左一个「鱼虾蟹盛合」（$480）同埋一人发办（$980），奢侈而兴奋！
厨师发办menu如下，拖罗真系超惊艳，样样都好出色好正：
🐟 前菜：𩽾𩾌鱼酱配豆腐
好新鲜开胃，creamy鱼酱加豆腐口感，好开胃
🐟 小食：平目鱼，配左大葱同沾酒
白身鱼好温和，鲜但唔抢味、好淡然，好配合做前菜
🦪宫城蚝
完全无海水同腥味，唔系creamy，而系有咬口，好滑～配酸甜汁好舒服
🐚北寄贝 配青柠
🦑 乌贼 配姜丝，好新鲜
🐟吞拿鱼三食，超正，超好食！
分别为赤身、拖罗加盐同埋拖罗筋炙烧
赤身鱼香同肉质好爽口，好重肉味～拖罗未试过咁厚切，好食，再试就算系拖罗寿司都差好远😂系个口不停回甘，唔舍得吞落肚～第三口系拖罗筋好多根，好有咬口，熟食油脂更加香
🍲柚子蒸银鳕鱼碗物
两层银鳕鱼一齐蒸，加上豆腐系底，好入味，聪明人就会食左第二层鱼同豆腐，真系超入味～柚子味唔出，唔会酸，但同鱼嘅咸香好吊味，豆腐好香
🍣 寿司五贯
红衫鱼、帆立贝、吉备耐子、松叶蟹寿司：好鲜甜，同埋鱼嘅选择几特别，令你试过唔同嘅鱼质
海胆配葱饭：好新鲜！好鲜甜，无任何腥味，好开心一啖啖咁享受
🍲 剑鱼汤：第一次咁样食剑鱼！感觉鱼味超出，鱼身好似烤香先再煮，鱼油好出，再配上豆腐同菌类，好暖身！
另外一个系「鱼虾蟹」盛合，一次过上晒所有小碗子，好靓好丰富！
🍱 和食：炸吞拿鱼面珠墩
好香鱼肉香，有烤脆边，加上酱汁酸甜，好开胃完全唔会太油腻
🍱 松叶蟹手卷两份，加四件寿司：分别为拖罗🤩、牡丹虾、甘虾、吉备奈子
吉备其实系好细细条发光鱼，白身鱼，有口感但唔会好油腻～虾身鲜甜，少少章口，好甜
🍣 三文鱼子丼、八寸海苔鱼生饭、雪场蟹羔丼
三文鱼子好新鲜完全无腥味，甚至有啲鱼油炭香味，唔识形容，好甜～ 蟹羔好满同好鲜，送饭一流～鱼生饭都好好食，唔见肉质～有弹身嘅剑鱼，又有三文鱼～正
🍨 樱花虾豆腐 - 前菜类，相对比较简单的冻豆腐～
🍲温泉蛋配香烤鳗鱼 - 已经一早切好晒一块块嘅鳗鱼片，再加上温泉蛋，好香好夹
🍡 甜品： 好有惊喜！系和菓子、红豆卷物同埋水信玄纸配黑糖豆粉！男友生日仲有蜡烛，生日感满满！
整体黎讲超高质好开心，师傅一道道上同介绍，好多见到细心设计同介绍，好满足嘅享受！好推介生日黎庆祝💕
我地另外叫左八寸自己酿嘅清酒 ～八寸纯米吟酿（$588; 720 mL) 好好饮，配鱼生好爽，佢系米香唔错又略带果香嘅清酒，餐厅仲可以做热版，好舒服好暖胃，我个人超爱💕💕
员工们超nice，由订枱，到serve野，到庆生感觉都超好，好开心！超推介，依家出订食都令件事更抵食，不过omakase真系超强～
八寸料亭
网址: https://s.openrice.com/QrbS0xUm200~uZ5MGAA
地址: 大坑莲花街3号地下
电话: 22176077
=====================
#黄店 #黄店推介 #庆生餐厅 #庆生 #庆生黄店 #大坑黄店 #大坑美食 #大坑 #铜锣湾美食 #铜锣湾黄店 #日本料理 #厨师发办 #omakase #sushi #sashimi #刺身 #寿司 #海胆 #宫城蚝 #剑鱼汤 #吞拿鱼 #拖罗 #hkfoodie #hkgirl #fancyfood #foodie
张贴
