影片
更多
2023-01-11
159 浏览
间唔中都会嚟鲗鱼涌东汇坊食晚饭，之前帮衬过地库𠮶间石烧牛扒专门店，今晚唔想食住家饭，提议落嚟「醒辰冰室」开餐。餐厅以快速慢食(Fast Casual)为营运理念，店内装潢时尚，墙上绘有由本地插画家创作嘅壁画，线条简洁，率性幽默，为餐厅添上艺术气息。冰室晚市有套餐供应，选择非常丰富，足足有成 20 款，而且仲要免收加一，够晒经济抵食。我哋每人点咗一个 Dinner Set，套餐奉送意大利杂菜汤 或 西班牙火腿蜜瓜沙律，包咖啡或茶，配甜品亦只需另 +$15。个沙律做得好有诚意，唔单止摆碟精美，而且每件密瓜都用西班牙火腿包裹住，火腿片咸香油润，同清甜爽口嘅哈密瓜简直系绝配！扒鲜三文鱼伴杂果薯仔沙律 ($88) 三文鱼扒大大块，非常厚身，鱼皮煎得超香脆，鱼肉刚熟，火候控制得恰好，仍然保持嫩滑质感，入口啖啖肉，相当 Juicy。无谂过连薯仔沙律都有惊喜，杂果同薯仔嘅比例啱啱好，配上嘅酸酸甜甜沙律酱，很滋味，充满港式茶餐厅风味。至于另一客烤纽西兰香草牛柳伴意粉 ($128) 亦做得好有水准，牛柳嘅生熟度刚好，肉质软滑，粉红嫩心，再加上红酒烧汁，令肉味更浓郁，以弹牙嘅意粉伴吃，Perfect Ma
间唔中都会嚟鲗鱼涌东汇坊食晚饭，之前帮衬过地库𠮶间石烧牛扒专门店，今晚唔想食住家饭，提议落嚟「醒辰冰室」开餐。
餐厅以快速慢食(Fast Casual)为营运理念，店内装潢时尚，墙上绘有由本地插画家创作嘅壁画，线条简洁，率性幽默，为餐厅添上艺术气息。
冰室晚市有套餐供应，选择非常丰富，足足有成 20 款，而且仲要免收加一，够晒经济抵食。
我哋每人点咗一个 Dinner Set，套餐奉送意大利杂菜汤 或 西班牙火腿蜜瓜沙律，包咖啡或茶，配甜品亦只需另 +$15。
个沙律做得好有诚意，唔单止摆碟精美，而且每件密瓜都用西班牙火腿包裹住，火腿片咸香油润，同清甜爽口嘅哈密瓜简直系绝配！
扒鲜三文鱼伴杂果薯仔沙律 ($88) 三文鱼扒大大块，非常厚身，鱼皮煎得超香脆，鱼肉刚熟，火候控制得恰好，仍然保持嫩滑质感，入口啖啖肉，相当 Juicy。
无谂过连薯仔沙律都有惊喜，杂果同薯仔嘅比例啱啱好，配上嘅酸酸甜甜沙律酱，很滋味，充满港式茶餐厅风味。
至于另一客烤纽西兰香草牛柳伴意粉 ($128) 亦做得好有水准，牛柳嘅生熟度刚好，肉质软滑，粉红嫩心，再加上红酒烧汁，令肉味更浓郁，以弹牙嘅意粉伴吃，Perfect Match。
一场嚟到，梗系要食埋甜品先走，意大利芝士饼 同 心太软，每款都只系 $15，非常抵食。
Tiramisu 香软滑溜，微苦嘅咖啡味，恰恰中和了咖啡酒嘅甜，也平衡了芝士嘅腻感，味道唔错。心太软有流心效果，入面嘅朱古力酱好浓郁，蛋糕亦非常松软，为晚餐完美作结。
张贴
