意蠔屋 (已結業)

今日同女朋友想买外卖返屋企食, 行过望到呢间餐厅未食过谂住试下, 入到餐厅见个女侍应serve紧客, 于是我问侧边厨房男员工, 问佢地餐厅做唔做外卖, 第一次问果时, 个男员工好大声咁播歌同唱紧歌, 冇任何回应。第二次我大声啲咁问, 个男员工答返我话听唔到我讲咩。到第三次我再大声啲问同一个问题, 但同时女侍应serve完客叫我外卖过去佢果面落单, 我就冇理到个男员工。系我固住落单嘅时候, 我女朋友入黎揾我, 佢听到个男员工同厨房另一个同事态度劲恶劣地取笑我头先问嘅问题, 同讲咩「外卖呀, 揾我做外卖呀, 我毒黎, 匿系屋企唔出街唔做外卖」。事后女朋友讲返佢地对话比我听，我听完觉得好嬲。凭乜野我比钱帮衬你地仲要受你地气同咁嘅态度，同埋我唔明我作为顾客问你地餐厅做唔做外卖生意呢个问题有啲咩好笑。所以咁嘅服务质素，我同住附近嘅朋友讲左唔建议帮衬呢间大围的意蚝屋。