從心素食 (東港城)

营业中

休息中

上汤杂菜煲，同平时清汤已经唔同咗，汤面多咗一层油，食剩三条竹笙，吸晒油，唔敢食，嘥晒。里面嘅松茸，赵赵下有阵嘢生味走出嚟，应该系浸泡咗，未有再煲返熟，但已经吐唔切。招牌金砖豆腐，同平时同餐牌相完全系两样，睇今次豆腐外皮，似茶餐厅炆斑腩做法，上边覆盖左一大汤壳菇菌酱汁，转头已经发胀晒，要解剖豆腐出嚟食，多咗一堆嘢。菜式叫得招牌菜，原本系做得好精致，恰到好处。星洲炒米，一向做得最出色，好过好多星马餐厅，但今日唔够干身，香料都未炒出味道，米粉口感似汤粉，各自试咗几啖，剩返大半碟。终于系食到冇哂胃口，两点起身埋单，原来走剩两枱，应该大家都已知乜情况，只系我地刚刚知。