Pancake 專門

营业中

休息中

最近见好多 Foodie 帮手宣传呢间，令我谂返起一年前食过嘅经验想分享返。当初我都系睇咗社交媒体网站foodie 介绍 pancake 先过嚟帮衬。-店面几大，晚市有 3-4 枱客，得一个侍应姐姐招呼。侍应姐姐态度几好有礼貌，但问题系在于厨房出品质素。-落完单过咗阵侍应姐姐话冇意粉介唔介意转乌冬，上咗菜先发觉唔对路。两碟都系乌冬还乌冬，料还料，忌廉𠮶碟明显系煎带子 + 原厂直出盒装忌廉+ 乌冬，仲 hea 过我屋企煮。仲要两碟上手都系微温，再摆一阵就冻晒。实在顶唔紧叫侍应姐姐帮我再煮热啲，但再等多20 分钟左右都仲未出现，再问侍应佢答返我唔好意思厨房漏咗 😰😰😰 再拎出嚟热系热，但全碟原封不动，原来用微波炉都可以叮半个钟。见到人地意粉啲相正正常常，但乌冬就可以咁求其。夜晚 7 点几如果佢地揾同事去隔离惠康买返包意粉，煮出嚟比客食会唔会好啲。-Pancake 就正常，只系定价太贵，又未靓到要打卡，唔会再食第二次。-套餐饮品加沙律加乌冬 $138x2，pancake $158，埋单连加一 $477.4，完全唔知食咗乜，有误堕骗案嘅感觉。