東悅冰室 (已結業)

长沙湾区近年不断有新楼入伙，好多新餐厅亦随之进驻本区。作为长沙湾居民，有新餐厅紧系要试一试佢，今次就黎到位于元州街长发街嘅 「东悦冰室」 。餐厅门口睇一去，入边装修的确几靓，餐牌系本区黎讲叫做不过不失，价钱属于中档水平。餐厅内嘅空间比较细，但坐位尚算舒适。要试一间茶餐厅嘅水准，必定要先试佢嘅早餐。参考之前嘅食评，发现佢嘅扒餐大件夹抵食，满心欢喜决定一试。点知意外就开始发生啦，两位女侍应唔知系无做过楼面定系根本无心做，落单凭自己嘅记忆，一个餐都可以问完再问，坚持唔写低，结果落到错晒。再黎，门口一有客，就要求食紧野嘅客左调右调。我明白楼面细，想同时做多几台客，赚多少少嘅心理，但无理由位都无，仲嫁硬要塞人入去。另外，两位女侍应亦都明显唔识得点样同一时间去应付同招乎咁多客，单又落错，野又出错，再不断要求食客调黎调去，乱过打仗。好彩，厨房不负所望，食物嘅味道都叫做中上，分量亦都足够，可惜厨房得一个炉，繁忙时间大家预咗无半个钟都唔会有得食。总括而言，餐厅食物不过不失，但等食物嘅时间太长，楼面嘅情况更加系不能接受，如果唔系个装修，应该唔会食第二次。