影片
更多
2022-07-16
777 浏览
脆皮椒盐豆腐越不起眼嘅食物先系最难最考厨师手势。成日都觉得炸豆腐好难整。因为豆腐咁样软林林都唔知点样可以炸到外皮趣卜卜。宝哥佢嘅手势真系非常好，可以将佢嘅外皮炸到脆，好似一粒骰仔C咁，叠高都完全冇难度。入边嘅豆腐仍然系咁滑溜，系一个非常好嘅头盘。冻柠茶$18冇错！冻柠茶都要推介。唔好望佢好似一杯普通嘅冻柠茶咁样，但系饮落先知道原来呢度嘅冻柠茶个茶底系落左花落去一齐煲，所以饮起嚟个柠檬茶系有一阵阵嘅花香，比起普通嘅柠檬茶冇咗阵苦涩浓味，特别怡人。失传酱脆皮生炒骨$148真系唔系讲笑，呢度嘅生炒骨系食过最好味嘅生炒骨！佢个外皮𠮶种酥脆，你一食一咬开就会知道，仲要我哋喺度倾偈，摆咗一阵冻咗都仍然系咁脆。而且用嘅系新鲜猪肉，所以肉质特别好、鲜嫩又Juicy！老板娘话俾我哋听呢度嘅生炒骨用咗自家制嘅苹果醋去烹调，所以食起嚟甜酸度适中。避风塘辣蟹$580一上枱晒周围枱嘅人嘅注目，一件就知道系好架势嘅招牌菜。就咁望都已经知道佢用心制作，你见佢嘅蒜蓉粒大小不一，有啲仲有少少衣。全部都系舖头师傅自家制既蒜蓉，同埋自己炒香，我谂喺天桥底都闻到佢嘅蒜蓉香气。粒粒香脆，用嚟送饭都好适合。肉蟹本身已经炸到脆卜卜
脆皮椒盐豆腐
越不起眼嘅食物先系最难最考厨师手势。成日都觉得炸豆腐好难整。因为豆腐咁样软林林都唔知点样可以炸到外皮趣卜卜。宝哥佢嘅手势真系非常好，可以将佢嘅外皮炸到脆，好似一粒骰仔C咁，叠高都完全冇难度。入边嘅豆腐仍然系咁滑溜，系一个非常好嘅头盘。
冻柠茶$18冇错！冻柠茶都要推介。唔好望佢好似一杯普通嘅冻柠茶咁样，但系饮落先知道原来呢度嘅冻柠茶个茶底系落左花落去一齐煲，所以饮起嚟个柠檬茶系有一阵阵嘅花香，比起普通嘅柠檬茶冇咗阵苦涩浓味，特别怡人。
失传酱脆皮生炒骨$148
真系唔系讲笑，呢度嘅生炒骨系食过最好味嘅生炒骨！佢个外皮𠮶种酥脆，你一食一咬开就会知道，仲要我哋喺度倾偈，摆咗一阵冻咗都仍然系咁脆。而且用嘅系新鲜猪肉，所以肉质特别好、鲜嫩又Juicy！老板娘话俾我哋听呢度嘅生炒骨用咗自家制嘅苹果醋去烹调，所以食起嚟甜酸度适中。
避风塘辣蟹$580
一上枱晒周围枱嘅人嘅注目，一件就知道系好架势嘅招牌菜。
就咁望都已经知道佢用心制作，你见佢嘅蒜蓉粒大小不一，有啲仲有少少衣。全部都系舖头师傅自家制既蒜蓉，同埋自己炒香，我谂喺天桥底都闻到佢嘅蒜蓉香气。粒粒香脆，用嚟送饭都好适合。
肉蟹本身已经炸到脆卜卜，有啲较软嘅位置，我系连壳一齐食。
当然最高级最享受嘅食法就系将蟹拆肉，然之后放上蒜蓉同埋佢𠮶啲香葱一齐食，就会非常香口。
今次拣咗星洲炒米。佢嘅新竹米粉非常幼，而且条条分明，炒得非常干身，每一条都染上咖喱粉嘅香气同颜色。
星洲炒虾球米粉
最正嘅系在捞埋食净咗嘅避风塘炒蟹入边嘅蒜蓉，咁先系识叹嘅做法。虾球又大大粒，再配衬埋蛋丝同埋叉烧丝，正！
见到宝哥嘅金牌同埋同各位政要/明星影嘅合照，呢一间细细的私房菜俾我哋有好大嘅惊喜！
厨师制作非常之用心，而且手势系真系同出边嘅师傅冇得比，我哋一定会再返嚟食其他菜式。
咁好味嘅晚餐就同今晚嘅天空一样，美伦美奂、目不暇给。
张贴
