52C Medium Rare (已結業)

近年都好流行食石烧牛🐮，一人一份套餐，又唔使食咁多肉，又可以比你过下手瘾同口瘾。今日嚟到大角咀试下呢间文青简约风嘅52°C Medium Rare试下。 呢度系自助购票，先喺门口买飞，拣咗你想要嘅牛，之后职员会送上嚟。我哋拣咗一份牛肩套餐同埋一份封门柳套餐，分别有3个大细嘅份量可以拣，180g，250g ＆ 320g，我哋拣咗个最细份嘅，都已经好够食。 个餐有汤🥣、沙律🥗、白饭🍚，店舖仲好细心安排咗一次性围裙，咁就唔怕会整污漕件衫。 牛肩比我想像中大块，提提大家要尽快切开，入面只系1成熟，所以一定要用热石整熟佢，等旧热石冻晒都未切完件牛，食到尾入面就会好生㗎啦。 食落油花都几多，受热后油花与牛质熔为一体，汁多味美、入口即化🤩。 另一款是封门柳，肉味同牛肩差不多，但肉质比牛肩仲要再腍啲，佢嘅肉汁好丰富😋！不过以性价比嚟讲，一定系拣牛肩，因为牛味食落其实差不多😛。 楼上𠮶层仲有网烧牛㗎，有机会下次可以试埋先。