廟街玉子燒 (已搬遷) 新店位置

又再次岀没油麻地，夜晚唔算好饿，就同男朋友经过庙街，发觉好香炒野味，见到呢间黄店小食，专门食玉子烧同街头小食，佢门面较细，铺前放左两三张圆折櫈做枱咁，食到香港原味道，别有一番风味！我地当然要试下招牌流心芝士玉子烧，都只系$30, 配料要左明太子同鳗鱼，等左十分钟左右，烧辣辣，面头布满哂明太子，夹埋拉丝芝士，好好食，玉子做到岩岩好，唔会过老！再叫左鱿鱼苏同鸡软骨双并，要左少辣好惹味，仲有少少蜜糖味咁，好好食！最后仲叫埋炸鸡同章鱼小丸子，新鲜热辣，大阪烧都好大份，食完够饱。小食泥讲算好高质同多选择，好值得再去！由于只有老细自己一两个人做哂所有野，所以多人时大家请耐心等候，不过绝对系值得等既！发现除左岀名煲仔饭外，依家多左一个小食选择