四季煲仔飯

营业中

休息中

次次经过四季都见到好多人排队好受欢迎，仲见到好多旅客拎住本旅游书黎排队。本身我都好钟意食煲仔饭，所以决定黎试下。黎到叫左2个煲仔饭，同一碟蚝饼，原本打算叫汽水，点知原来系无得卖，不过好彩隔离士多有。蚝饼都多蚝既，正常水平，但可惜应该唔系即整，系唔热既。  北菇鸡煲仔饭 - 旧鸡本身好滑，而且吸收晒d菇味。再食旧菇，竟然旧鸡既菇味仲重过旧菇本身，但都系好食既。所以旧鸡真系好正！！！可惜...个煲仔饭系无饭焦的T^T凤爪排骨煲仔饭 - 烹调时间处理得好好，所以排骨都滑同腍，凤爪好大只，同埋都腍既。而呢个饭亦都系无饭焦T^T 总括而言，d野系好食既，而且份量都几大，有无饭焦都系睇彩数，因为见到隔离枱个煲仔饭有满满既饭焦。